Nagapadayon ang pagpangusisa sang Negros Oriental Police Provincial Office sa insidente sang pagpalupok sang pusil sang dose anyos nga grade 7 student sang Negros Oriental High School Biyernes sang udto
Suno sa kay Police Major Fortunato Villafuerte, deputy chief sang Dumaguete City PNP, nakabaton sila sang tawag gikan mismo sa eskwelahan nga nagpabalo nga may insidente sang pagpalupok sang pusil sa sulod mismo sang eskwelahan.
Suno kay Villafuerte, caliber .45 pistol ang gingamit sang menor de edad.
Sa insiyal nga impormasyon man, damang ang ginhalinan kun ngaa nagpalupok sang pusil ang 12 anyos sa third floor sang building pero wala naman sang may ginreport nga naigo.
Suno sa PNP, nakuha sang bata sa iya himata ang pusil.
Mahimo manabat ang ginikanan sang bata kun ngaa naka bitbit ini sang pusil kag ginpanawagan sang PNP sa tagdumalahan sang eskwelahan nga usisaon ang mga estduaynte nga naga sulod sa eskwelahan para malikawan nga masulit pa ang insidente.
Nagpagwa naman sang statement ang Negros Oriental High School kag ila ginpanginwala nga may natabo nga pagpalupok sang pusil sa sulod sang eskwelahan.
Nag apela man ang eskwelahan nga likawan ang pagpalagpta sang fake news nga mahimo magtuga sang panic.