Gobyerno Probinsyal ang naga hulat lamang sang abiso sang Office of the Civil Defense kag amo ang pag padala sang Search, Rescue and Retrieval Teams para mag bulig sa apektado sang linog sa Mindanao.
Samtang, talatapan ni Bacolod Lone District Rep Albee Benitez ang maga padala man sang bulig sa mga pamilya sang namatyan.
Ginsiling ni Governor Eugenio Jose Lacson nga naga hulat man sila sang damage report. Maga hatag man sang aid pero wala pa ini sang kantidad kag gina hibalo man kun sin-o ang hatagan.
Sa report ni USec Harold Cabreros, pamuno sang OCD kay Presidente Ferdinand Marcos, Jr., sa briefing nga ginpatigayon sini nga Hunyo 9, may 210 ka SRR teams ang na deploy sa area para sa search and retrieval operation kag may mga naga pabilin nga standy.
Suno kay Cabreros, nag dangat sa 37 ang napatay bangud sang pag igo sang 7.8 magnitude nga linog.
33 diri ang gikan sa Region 12 kag apat ang gikan sa Davao Occidental suno kay Cabreros.
456 naman ang nasamaran kag apat ang missing.
1,889 ang nag kalaguba nga mga balay, 47 naman ang kabilugan nga infrastructure nga na damage.
Wala naman sang evacuation center nga gin report nag kalaguba.
Sa interview sang media kay Benitez iya ginsiling nga ang iya opisina ang maga padala sang bulig sa pamilya sang mga namatyan sa linog.*
[sibwp_form id=1]