Governor Eugenio Jose Lacson ang naga hinyo sang kooperasyon sang mga pumuluyo labi na ang sa mga lugar nga malakip ma apektuhan enkaso nga mag buga ang bulkan Kanlaon.
Suno sa gobernador, indi ma negar nga ang mga naga puyo sa mga lugar sakop sa mahimo ma apektuhan kun may paglupok ang bulkan ang naga kumpiansa bangud nga sa malawig nga tion daw kasubong na lamang normal sa ila ang activity sang bulkan.
Abiso niya sa ila nga kun kinahanglan na man gid nga mag evacuate sila, dapat sila ang mamati kag magsunod.
Padayon ang personal nga pag pangamuyo ni Lacson nga indi na mag lala pa ang sitwasyon sang bulkan labi na nga sa sini nga panahon, ang mga budget sang mga LGU ang halos nagamit na.
Padayon nga naga handa para sa bulkan Kanlaon, pero kaangay man sang linog wala sang may maka pat-od kun maga buga ukon san-o maga buga ang bulkan.
Sa November 5 nga monitoring sang PHIVOLCS, may walo ka volcanic quakes ang na-record sa bulkan Kanlaon kag 4,768 ka tonelada ang sulfur dioxide flux.