Ginbaton ni MassKara Festival Director Rodney Mitz Ascalon ang MassKara Legacy Mover Award sa ginpatigayon nga Media Appreciation Night kahapon nga adlaw.
Ang pasidungog nga ginbaton ni Ascalon ang pag pasalamat sang Bacolodnon matapos nga nangin madinalag-on ang duha ka MassKara Festival nga iya ginpangunahan.
Ginpangunahan sang beterano nga journalist sa Negros Occidental nga si Carla Gomez nga isa man sa legacy media awardee, ang paghatag sang award kay Ascalon.
Gintagaan man sang Legacy Media Awardee and beterano nga journalist sa probinsya nga si Allen Del Carmen.
Sa speech ni Ascalon, iya ginpasalamatan ang tanan nga nagbuylog humalin sa preparasyon sang MassKara tubtob sa natapos ang selebrasyon.
Ini na ang pinakaulihi nga tion nga si Ascalon ang mangin direktor sang MassKara bangud nagbiya na siya kaina sa Pilipinas padulong sa iban nga pungsod kaupod ang iya pamilya.
Ang iya paghalin ang suno sa iya, kabahin man sang iya paglab-ot sang mga butang nga madugay na niya gina handum.
Si Ascalon ukon mas kilala bilang Direk Rodney ang founder sang Artians nga dance squad kag Team Acids Production nga masami naga-organize sang mga dalagko nga events, kapistahan kag pageants sa probinsya.
Siya man ang Presidente sang Bacolod Gugma Foundation nga organizer sang MassKara sa duha na ka tuig.
[sibwp_form id=1]