Sa pinaka una nga tion isa ka Filipino film ang nakasulod sa Toronto International Film Festival ukon TTIF. Ini ang pelikula nga “Silenced Nights” sang Negrense Director nga si Lawrence Fajardo.
Opisyal nga gin imbitar ang pelikula sa 51st TTIF para mag world premiere sa prestigious nga platform.
Ang istorya sang pelikula ang parte sa isa ka saksi sa isa ka kaso sang extra judicial killing nga nag risgo sang iya kabuhi para ipahibalo kun ano ang matuod-tuod nga natabo.
Magasugod ang film festival sa September 10 tubtob 20 sini nga tuig. Ang TTIF ang isa sa mga naga panguna nga film festivals sa kalibutan nga naga pagwa sang pinasahi nga mga pelikula.
Ginakilala naman sang Sangguniang Panlungsod sang Bacolod ang ini nga achievement sang isa ka film director nga taga Bacolod pinaagi sa isa ka resolution nga gin-file ni Councilor Em Ang, ang chairman sang Committee on Culture.
[sibwp_form id=1]