Announcement bahin sa bonus nga batunon sang Capitol Employees sini nga bulan sang Disyembre ang ginalauman sa madason nga semana.
Suno kay Renelo Lastierre ang presidente sang Progressive Alliance of Capitol Employees, may apat sila ka mga gin cite sa ila nga pagduso para sa bonus sang mga empleyado. Una ang sa Collective Negotiation Agreement incentive, kun sa diin sa idalom sang Department of Budget and Management Circular, 25,000 pesos ang maximum nga mahatag, ika duha ang Productivity Enhancement Incentive, ikatlo ang IBES ukon ang Incentive Benefits for Exemplary Eervice kag ang SRI ukon ang Service Recognition Incentive.
Ginalauman nila nga sa madason nga semana, mahimo sa birthday sang gobernador, December 13 ang announcement.
Suno kay Lastierre ginsiling sang budget officer sang probinsya nga may nagakaigo nga pondo ang Negros Occidental. Yara na sa gobernador ang pag pat-od kun pila ang batunon sang mga empleyado suno kay Lastierre. Sang 2020, 40,000 ang nabaton sang mga empleyado.