Grave misconduct kag conduct prejudicial to the best interest of the service ang kaso administratibo nga ginpasaka sang siudad batuk sa regular employee sang Bacolod City Legal Office matapos nga ginreklamo ini sang isa ka ilimnan nga wala nagbayad sang iya mga gin-order.
Ginsiling ni City Legal Officer Karol Joseph Chiu, nga may napulo ka adlaw ang natungdan nga empleyado nga magsumite sang iya nga written explanation.
Kun mapaslawan ini nga magpasa, magapadayon ang kaso kag indi ini ma dismiss.
Ang kaso nagsugod sang gin-report sang isa ka ilimnan sa Golden Field Commercial Complex sa Bacolod ang empleyado bangud wala ini nagbayad sang iya mga gin inom.
Iya man gin-liab ang trabahador sang ilimnan sa atubang mismo sang mga costumer kag ginsinggitan ang tag-iya sang amo nga ilimnan kag nagpakilala nga katapo sang CLO.
Nagpamahog man siya nga ipasara ang ilimnan kun pabaydon siya sang iya mga gin-order.
Samtang nagapadayon pa ang pagpang-usisa sang CLO sa duha ka empleyado sang City Treasurer’s Office nga gina-alegar nagapanukot sang amusement tax nga wala nagahatag sang resibo.
[sibwp_form id=1]