May masobra na sa isa ka gatos nga mga barangay tanod sa Bacolod City ang ginhatagan sang otoridad sang Bacolod Transport and Traffic Management Department ukon BTTMD nga makapangdakop sang mga colorum kag traffic violators.
Ginsiling ni Atty. Reuben Mikhail Sabig, pamuno sang BTTMD nga matapos nila na deputize ang kapin 40 ka mga tanod sa Barangay Sum-ag kag Barangay Singcang-Airport, may 67 naman ka tanod gikan sa walo ka mga barangay ang yara na sa karun sa training.
Kutob sa mga na-deputize nga mga tanod ang pagahatagan man sang otoridad nga mag issue sang mga citation tickets sa mga madakpan nila nga nagalapas sa traffic protocols.
Dugang ni Sabig nga may ordinansa ang siudad nga nagatugut sa mga traffic enforcers kag deputized tanods nga mag confiscate sang mga driver’s license kun kinahanglan.
Ginklaro man sang BTTMD nga ang isa ka tanod nga na deputize ang sarang lamang makapanakop sa sulod sang isa ka barangay kun sa diin siya naga-ubra.
Hugot sa gihapon nga ginapatuman sang BTTMD ang anti-colorum ordinance nga nagapangdakop sa mga motorsiklo kag e-bikes nga wala sang business permits.
[sibwp_form id=1]