Acting chairman sang LTFRB nagpaathag nga wala sang kasugtanan sa tunga sang LTFRB kag sang World Bank angut sa Jeepney Modernization Program. Ini sa ginpatigayon nga Bacolod Electric Vehicle Summit.
Para mahaylo ang publiko nga mag pakigbahin sa transition sa electric vehicle, ginapatigayon sa subong ang Bacolod Electric Vehicle Summit.
Gintipon ang mga electric vehicle dealers, government agencies, financial institutions, transport groups kag ang publiko para lantawon ang mga available nga mga electric vehicles nga available sa Bacolod sa karon.
Suno kay Bacolod Congressman Albee Benitez, ang sa likod sang sini nga summit, dako ang ma benepisyo sang publiko sa pagsaylo sa electric vehicle. Sustainability, matinlo nga hangin, pag reduce sang dependence sa produkto petrolyo, kag manubo nga maintenance cost.
Gin ako ni Land Transportation Franchising and Regulatory Board Acting Chairman Atty. Greg Pua Jr., mabudlay pa ang acceptance sang electric vehicle sa subong kay bag-o pa ini.
Pero dako ang impact sang pag gamit sang electric vehicle sa aton nga palibot bangud wala ini sang gina buga nga aso sa hangin. Dugang pa niya nga dako nga bulig sa pagpahagan-hagan sang polusyon kun pati ang public utility jeepneys nga naga biyahe sa dalanon electric naman.
Paathag niya sa pihak sang ginareklamo sang traditional jeepney operators nga jeepney modernization program, wala sang kun ano man nga kasugtanan sa tunga sang gobyerno kag World Bank parte diri.
Ang natabo, consultation pa lamang. Pero bukas ang LTFRB sa paghaylo sa traditional jeepney owners nga magsaylo sa electric vehicles nga maka benepisyo sa tanan pinaagi sa matinlo nga hangin nga gina haklo sa dalanon.
[sibwp_form id=1]