Naglab-ot na sa P677.8 million ang na-release nga bulig pinansyal sang Department of Social Welfare and Development para sa mga mangunguma kag farm laborers nga apektado sang RSSI ang ila nga katubuhan.
Sa report nga gin-release ni DSWD NIR director Arwin Razo as of October 24, 2026, may 66,005 ka mga mangunguma kag laborers ang nag baton na sang ayuda.
Majority ukon 56,301 sa mga nagbaton mga small farmers.
Sa Negros Occidental – 44,677 ang kabilugan nga benepisyaryo nga nag baton, 2,820 naman ang sa Bacolod City kag sa Negros Oriental naman 18,508 ang benepisyaryo.
Padayon sa gihapon ang pag hatag sang bulig sang DSWD paagi sa emergency cash transfer sa tuyo nga mahatagan man sang alibyo ang mga apektado sang peste.
Masobra sa P10,000 ang mabaton sang tagsa ka benepisyaryo.
[sibwp_form id=1]