Shadow

Duktor kag dean napatay sa Covid-19, CPSU gin lockdown

Sa Kabankalan City, government doctor kag university dean ang nagtaliwan bangud sang Covid-19.

Sa post sang Central Philippine State University nakasaad nga ila ginakasubo ang pagtaliwan ni Maria Lorina Baylon-Crobes nga associate professor 5 kag dean sang College of Arts and Sciences sang nagligad nga Nobyembre uno bangud acute respiratory distress syndrome.

Siya ang labing ginadumdom sang iya nga mga kaupod sa trabaho bilang isa ka maayo nga lider, mentor, colleague kag abyan.

Ginsiling sang presidente sang CPSU nga si Aladino Moraca nga may duha ka iban pa gid nga manunudlo ang naka quaraninte bangud sang Covid-19 kag sirado karon ang buluthuan para sa disinfection.

Sa Facebook page naman sang Kabankalan City, naka post ang ila nga kasubo sang pagtaliwan ni Dr Gladys Patindol, medical officer 4 tuga sang Covid-19.

Nakabutang man sa post nga labing nagapasalamat ang siudad sa iya nga serbisyo kag pagpangalagad nga nahatag.

Nagpanawagan na si Mayor Pedro Zayco kag Vice Mayor Raul Rivera sa mga punong barangay para pabaskugon pa gid ang vaccination campaign. Amo man ang panawagan sang probinsya.

Leave a Reply

Your email address will not be published. Required fields are marked *

Secured By miniOrangeSecured By miniOrange