Patay ang duha ka mga lalaki matapos mabunggo sa poste ang ila ginsakyan nga motor sa Purok Bougainvilla, Brgy. Vista Alegre banwa sang Ilog sang Domingo.
Ang mga biktima ginkilala sanday Christian Jan Yap, 20 anyos kag amo ang naga dala sang motor kag ang angkas sini nga ginkilala kay John Clifford Cines, 19-anyos.
Suno sa kay Police Major Joseph Partidas ang Chief of Police sang Ilog PNP, nadulaan sang control ang naga dala sang motor kag nakabunggo sa poste.
Dugang pa ni Partidas, bangud sang mabaskog nga pagkabunggo nakaagum sang seryoso nga mga pilas ang mga biktima nga nagresulta sa ila nga kamatayon.
Gina-alegar nga nakainom ang mga biktima antes matabo ang pagkabunggo.