Nagdangat na sa 10 ka mga baboy sa siudad sang Bacolod ang nagpositibo sa African Swine Fever sandig sa record sang Bacolod City Veterinary Office.
Ini matapos nga nagpositibo man sa masakit ang isa ka baboy sa Barangay Alijis kag na-record man ang una nga ASF case sang Barangay Alangilan.
May una na nga nag positibo nga duha ka baboy sa Alijis, duha man sa Taculing, duha sa Bata, isa sa Granada kag isa sa sulod sang Slaughterhouse.
Ginahaylo sang City Vet ang mga backyard hog raisers nga pasangkaron ang ila nga biosecurity kag ipabilin ang katinlo sa ila palibot agud malikawan nga makakuha sang masakit ang ila mga ginasagod nga baboy.
Ginapanugyan man sini nga gilayon nga magpabalo sa otoridad kun may mga sintomas sang ASF nga makita sa ila mga baboy.
Padayon man sa gihapon ang pag-disinfect san CVO sa mga lugar nga naka record na sang kaso sang ASF agud matapna ang posible nga paglapta sang masakit. Kadungan man sini ang random testing sa mga baboy.
[sibwp_form id=1]