Duha ka mga magagmay nga maral na-rescue sa Talisay City.
Nakit-an sa may kampo sang tubo sa Hacienda Gusa, Brgy. Matab-ang sa Talisay City sang mga naga trabaho sa kampo kag gin turn over sa City Disaster Risk Reduction Management Office.
Ang Visayan Leopard cat ukon “maral” isa ka leopard cat subspecies nga gina kabig nga vulnerable.
Locally extinct na ini sa Cebu kag Masbate kay wala na sila sang maistaran didto, kag may diutay na lang nga nabilin sa Panay kag Negros.
Nakahibalo ang mga pumuluyo sa lugar nga ang maral ang gina proteksyonan bangud diutay na lang ini sila gani gilayon sila nagpahibalo sa LGU sang makita ini.
Gin-turn- over naman ini sang DRRMO sa ENRO sang siudad.