11 ka mga barangay sa tatlo ka mga banwa kag siudad sa probinsya ang nag-report sang kahalitan sa ila nga humayan tuga sang dry spell.
Sa report sang Office of the Provincial Agriculturist may walo ka mga barangay ang apektado sa Himamaylan City, duha sa Cauayan kag isa sa banwa sang Isabela sa 117 tanan ka ektariya sang humayan.
143 ka mga mangunguma ang apektado.
Ang mga apektado nga pananum rainfed suno sa OPA.
Suno kay Dina Genzola ang pamuno sang OPA, iga-verify nila ang gin-report nga damages nga nagdangat sa masobra 7 million pesos.
Kun may insurance ang mga mangunguma sarang sila maka claim para diri.
Wala pa man sang may na report kahalitan sa kasapatan, pero suno sa kay Provincial Veterinarian, Dr Placeda Lemana, sa sur sang Negros Occidental laya na ang mga halalbon sang kasapatan.
Na orient na ang mga farmers sa ila nga dapat himuon.
Samtang, nag distribute naman ang OPV sang mga vitamins kag electrolytes nga pwede magamit sang mga mangunguma para mabuligan sang kasapatan sa tunga sang el nino phenomenon.