Duha ka mga anay isolation facility sa Bacolod ginaplano nga mangin BuCas Center sang DOH.
Nagaserbe nga quarantine facility para sa Mpox ang natukod nga temporary treatment and monitoring facility sa Barangay Vista Alegre.
Ginagamit naman sang mga city departments ang anay midway facility sa Barangay Alijis.
Pero plano sang Department of Health upod sa Bacolod LGU nga gamiton ang duha ka mga anay isolation facility bilang BuCas Center ukon ambulatory care centers nga sarang teniran sang mga pasyente antes pa man sang ila admission sa Corazon Locsin Montelibano Memorial Regional Hospital.
Ginsiling ni BacCHP Coordinator Mae Cuaycong, dako nga bulig ang pasilidad agud nga mabuhinan ang kadamuon sang mga pasyente sa regional hospital ilabi na mga BacCHP patients nga may minor cases.
Kahapon gin-evaluate na sang tiglawas sang DOH ang mga pasilidad para sa ginaplano nga tripartite agreement sa tunga sang siudad, CLMMRH kag DOH.