Apat ka mga anti-mendicancy teams naga-monitor sa posible nga pagduging sang mga naga pangalimos sa mga dalanon karon nga nagahilapit ang bulan sang Paskwa.
Magluwas sa pagbantay sa Bacolod Public Plaza, magalibot ang apat tanan ka mga anti-mendicancy teams sang Department of Social Services and Development para mag-monitor sa mga nagapangalimos sa mga dalanon.
Ginsiling ni DSSD-Bacolod OIC Alma Gustilo, kabahin na ini sang tikang agud mapaiway ang pagduging sang mga nagapangalimos kun nagahilapit ang Paskwa.
Nalakip na diri mga Badjao kag mga menor de edad nga masami naga pangaroling sa karsada.
Luyag ipasiguro sang pamunuan sang DSSD-Bacolod nga mapaiway ang pagtuga sang pag-guot sang mga motorista sa dalan kag ang mapalayo ang mga magagmay nga Kabataan sa peligro.