Nasuguran na sang katapo sang Department of Trade and Industry ang pag-monitor sa mga baligyaan sang bugas sa mgamerkado agud mapasiguro nga ginapatuman ang price ceiling sandig sa Executive Order no 39 ni Presidente Ferdinand Marcos Jr. Suno kay DTI Provincial Director Lynna Joy Cardinal may yara nasang pila ka mga baligyaan nga naga-comply sa mandu sang presidente agud mapabilin ang presyo sang bugas sa P41 tubtob P45 ang kada kilo.
Upod sa Department of Social Welfare and Development, plano sang DTI nga magpanagtag sang tag-P15,000 nga financial assistance sa mga rice retailers nga apektado sang ginapatuman nga price ceiling.
Sa record sang DTI, may malapit1, 200 ka mga rice retailers sa mga merkado sa probinsya.
Sa karon ginasuguran na sang DTI ang profiling antes sang natalana nga pay-out para sa mga rice retailers sa Miyerkulesnga adlaw .
Ang Bacolod City government ang nagpasalignaman nga magapadayon sa pagfacilitate para makabakal sang barato nga supply sang bugas nga inugbaligya ang mga rice retailers.