Shadow

DOH-6 nag meeting sa mga opsiyal sang Negros Occidental bangud sang manubo nga percentage sang naga pabakuna

Capitol photo

Mahinay nga vaccine rollout sang probinsya ang gintalakay sang regional director sang Department of Health 6 kay Negros Occidental Governor Eugenio Jose Lacson.

Nag bisita si Dr Adriano Suba-an sa Kapitolyo kaina sang aga kag suno kay Governor Lacson gintalakay nila kun paano pa gid mapadasig ang rollout sang bakuna sa Negros Occidental ilabi na karon nga madamo naman sang available vaccines.

Sa Western Visayas ang Negros Occidental ang may pinakamanubo sang nalambot bakuna sa target sini.

Suno kay Lacson halos 26 percent pa lamang ang nabakunahan. 1.8 million ang target kag ang probinsya naman ang may pinaka dako nga target sa Western Visayas.

Bilang tikang, magasapol ang gobernador sa mga alkalde upod ang tagsa ka city kag municipal health officer agudto mapat-od ang performance sang ila nga LGU. Ang tagsa ka barangay dapat man ang magahaylo sa pumuluyo sini. Kag ang probinsya may gintuga nga vaccine teams para magbulig sa tagsa ka LGU bahin sa manpower kun kinahanglan nila ini.

“Concerned sila sa aton vaccine rollout. We’re only about 26%. They find it very slow. Admittedly also there’s a need to ramp it up. I’m having a zoom meeting with the mayors together with their health officers kun paano natun mapadasig ang aton vaccine rollout considering na ang availability of the vaccines is there. So that is not anymore a reason. At the end of the day ang message was really for the province to come up with measures on how improve it. I see also, I think there’s not enough communication between the local chief executive and their health officer as to the real performance of their LGU,” suno kay Lacson.

Secured By miniOrangeSecured By miniOrange