Shadow

CHO naga pabor sa mandatory vaccination

Pamuno sang Bacolod City Health Office pabor nga himuon mandatory ang pagpabakuna batuk sa Covid-19.

Kun ang bakuna ang magahatag sang kaayuhan para sa tanan, pabor si City Health Office in charge Dr. Edwin Miraflor sa ginaduso sang gobyerno nga himuon ini nga mandatory agud man mapangapinan ang publiko batuk sa Covid-19.

Ginpahayag ni miraflor nga kasubong sang nagliligad, ginpatuman man ang mandatory vaccination kontra sa mga nag-agi nga pandemic.

Gin-anunsyo ni Presidential Spokesperson Harry Roque ang pag-require sa mga public kag private employees nga magpabakuna sa mga lugar nga may nagakaigo nga supply sang Covid-19 vaccines sumugod Disyembre 1.

Gindugang ni Roque nga indi man mapahalin sa ubra sang mga empleyado nga indi bakunado pero iga-require sa ila ang regular RT-PCR test ukon antigen test.

Ang national government paagi sa Inter Agency Task Force ang nagmandu naman sa mga local government unit nga maghimu sang pagpanghanda para sa natalana nga 3-day national vaccination days humalin Nobyembre 29 tubtob Disyembre 1.

Leave a Reply

Your email address will not be published. Required fields are marked *

Secured By miniOrangeSecured By miniOrange