Shadow

DILG: Negros Occidental ang pwede maka require sang S-PaSS sa gihapon

Nagsulat si Mayor Evelio Leonardia kay DILG Director Juan Ingeniero nga naga kwestyon sa polisiya sang Negros Occidental provincial government angut sa pag require sang S-PaSS sa mga fully vaccinated passengers nga naga agi sa Bacolod Silay Airport padulong sa Bacolod.

Vaccination card na lamang kag id ang gina require sang Bacolod para sa mga fully vaccinated travelers.

Pero nagapanindugan ang probinsya nga mandatory ang S-PaSS para sa contact tracing sang mga naga inabot nga pasahero.

Sa text message nga ginpadala ni Ingeniero sa Digicast Negros iya ginsiling nga ang provincial government ang sarang mag require sang S-PaSS depende sa travel restriction.

Ginakilala man sang pamuno sang Regional Inter Agency Task Force ang ginahimu nga tikang sang bacolod agud mapahalugan ang travel requirements santo sa guidelines sang national government.

Ang airport ang yara sa Silay City nga sakop sang probinsya.

Sa sulat man nga ginpadala ni Ingeniero sa alkalde iya ginsiling nga indi niya mapunggan ang Negros Occidental provincial government nga ipatuman ang S-PaSS requirement sa mga pasahero.

Ginsiling naman ni Provincial Administrator Atty. Rayfrando Diaz nga klaro nga indi ang probinsya ang nagahatag sang dugang nga kabudlayan sa mga pasahero.

Ang problema suno kay Em Ang, executive director sang Emergency Operations Center, kay madamo na sa mga pasahero,ilabi na ang nagapauli nga OFW ang nagareklamo.

Ini bangud man sang wala naga palareho nga guidelines sang probinsya kag Bacolod.

Gani antes pa man sang sabat ni Ingeniero, ila na ginhimu nga mangin automatic ang S-PaSS approval sa mga pasahero nga maga-agi sa airport.

Nobyembre dose nagpa gwa sang executive order si Governor Eugenio Jose Lacson nga required sa gihapon ang spass sa mga mapauli sa Negros Occidental.

Nobyembre katorse, nagpagwa man sang EO si Mayor Evelio Leonardia nga indi na required ang mapauli sa Bacolod nga mag submit sang S-PaSS.

Pero ang airport yara sa Silay kag sa idalom sang jurisdiction sang Negros Occidental.

Nanindugan ang pamunuan sang eoc nga kadungan sang pagpahalog sang travel restrictions sa idalom sang alert level 2 nagapakita lang nga mas nahangpan nila ang mga kabudlayan sang mga pasahero amo nga wala na gina-require sang Bacolod ang S-PaSS para sa mga fully vaccinated.

Leave a Reply

Your email address will not be published. Required fields are marked *

Secured By miniOrangeSecured By miniOrange