Sa Lunes na magabukas ang klase. Pahanumdom sang DepEd sa wala pa maka pa enrol nga pwede pa bwas bisan pa sa Lunes mismo.
Paathag ni DepEd Negros Occidental PIO Ian Arnold Arnaez, padayon pa enrollment kag ang official deadline sa Lunes. Pero sa gihapon kun may mag pa enroll lagpas sa Lunes sila sa gihapon ang iga accommodate.
Ginapatuman man sa karon ang no uniform policy, pero pahanumdom sang DepEd mas maayo kun plain ang bayo kag naka pantalon. Kun may print kuntani minimal. Pwede mag palda sa babaye pero ang kalabaon naga kaigo.
No collection policy ang ginapatuman man, may mga fees nga ginatugutan kasubong sang para sa boy ukon girl scout pero wala naman ini sang pilitay.
Yara na sa tagsa ka eskwelahan kun sila ang maga patuman sang distance learning, in-person, ukon blended samtang yara pa sa transition period. Sa in-person classes, ipatuman ang pag gamit sang face mask kasubong man physical distancing. Ang problema sa kakulang sang classroom sa kinaandan suno kay Arnaez ang gina medyusan. Sa August 16 nga datus sang DepEd Negros Occidental may masobra sa 271,000 ka mga estudyante ang naka pa enroll.
“We have to make the most of what we have. Kay para maka patigayon sang opening of classes. Ang iban nga mga eskwelahan nga may kulang classroom, naga devise man sang ila pamaagi kun paano nila ma akomodar ang mga bata nga kun paano makakadto sila sa eskwelahan. Amo na nga some of them opt for blended learning para mahatagan time ang mga bata nga maka kadto sa school, kun ila na time for remote learning may maka kadto sa eskwelahan, kumbaga naga strategize man ang aton mga schools” suno kay Arnaez.