Base sa datus sang Provincial Health Office humalin Enero 4 tubtob Oktubre 3 sini nga tuig may 19 ka dengue related deaths. Pero, ginsiling ni Dr Ayessa Hugnatan, Provincial Health Officer 1, kahapon, Oktubre 8, may isa ka nagdugang nga dengue-related death gikan sa Moises Padilla, gani nagdangat na sa 20.
Suno kay Dr Hugnatan, nagsaka man ang dengue-related death indi pa man makabig nga maka alarma ang kadamuon sang nagkalamatay kay ang case fatality rate nubo pa man sa 1 percent ukon yara ini sa 0.51%.
Pero ila na gintawag ang atensyon sang siudad sang Cadiz labi na nga may lima na ka dengue related deaths nga na record sa siudad. Sila ang may case fatality rate nga 3.88 percent. Ila gina haylo ang LGU nga mag patuman sang dengue-death review upod ang Provincial Health Office.
Sa walo ka dengue related deaths nga na-review sang probinsya suno kay Hugnatan, apat lang diri nga ang ginkamatay may kaangtanan sa dengue ang apat ka iban pa indi makabig nga dengue related deaths. Ang 12 ka iban pa nga gin-report dengue deaths ang wala pa ma review.
Ang La Carlota City nga may 679 cases, Silay City nga may 365 cases kag Bago City nga may 306 cases ang may mga matag-as nga dengue cases. Ining tatlo ka mga siudad lakip na ang Cadiz ang gin-recommend sang PHO bilang priority areas for intensified intervention.
3,732 ang dengue cases sa probinsya as of October 3. Ini ang 24.70 percent nga mas manubo kun ipaangid sa kasubong nga period sang 2025.
“Inform ang aton nga mga mayors, nga amo na ta ni subong and to remind them of DOH memorandum kun paano gid I-manage ang dengue sa community. Ang isa pa gid ka plan tani supposedly, mag inventory kita, may ara kita mga fogging machines dira nga available pero for approval pa gid gyapon kun endorse ta sa LGUs so that maka bulig man sa ila especially sa mga sites nga may clustering”, suno kay Hugnatan.
[sibwp_form id=1]