Demand sa manok ang nagsaka na. Suno sa Office of the Provincial Veterinarian may nagaka igo nga supply para sa probinsya.
Suno kay Dr Renante Decena, ang saka sa demand tuga indi lamang sa mga selebrasyon angut sa holidays, kundi mismo ang pag halog sang restriction karon nga yara na ang probinsya sa alert level 2 humalin pa sang bulan sang Nobyembre.
Ang panugod sang election season isa man sa ginalantaw nagduso pasaka sa demand. 163.98 pesos ang average nga kilo sang dressed chicken sa December 6 nga monitoring sang Negros Occidental. 155 ang kada kilo sa Bacolod.
Suno kay Decena sa mga urban nga lugar ginalantaw nga magapabilin ini sa amo nga presyo pero sa mga malagyo mahimo nga magmahal ang kada kilo sang manok. May naga kaigo nga supply suno sa provincial vet, ang kulang nga mahatag sang local integrators ang mapun-an sang national integrators suno kay Decena.
Karon nga pandemic, 2 tubtob 2.5 million ang makonsumo nga manok sa kada bulan sa Negros Occidental sa peak season. Antes sang pandemic naga dangat ini sa 3miilon heads sa kada bulan.
Wala man sang problema sa supply sang baboy. 222 ang average price sang baboy sa Negros Occidental, 235 naman ang sa Bacolod.