Ang mga kiosko sa Bacolod City Government Center ang pila lang sa mga naapektuhan sang baha tuga sang mabaskog nga ulan kahapon.
Nagsaka man ang tubig baha sa Lopues East area, Brgy 4, Singcang-airport kag iban pa nga flood prone areas sa mga kabarangayan.
Gani kaina nakigsapol si Mayor Albee Benitez kaupod si Vice Mayor El Cid Familiaran sa katapo sang Disaster Risk Reduction Management Office, City Engineer’s Office kag Department of Public Works and Highways agud to matagaan atensyon ang problema sa baha.
Suno kay City Administrator Atty. Boyet Maghari, pabaskugon sang siudad ang declogging operation sa mga drainages ilabi na sa 22 ka mga flood prone areas.
Nagalab ot sa .5 to 2 feet ang run off surface water sang magbunok ang ulan amo nga wala na ini masarangan sang drainages.