Napalibutan na sang mga panid sang sin nga ginhimo kudal ang daan nga city hall sang Bacolod sa dalan Luzuriaga. Humalin sang nagligad nga semana amat-amat na nga nakasaylo ang mga naga okupar diri nga opisina sa mga temporaryo nga pasilidad nalakip na diri sa annex building sang Libertad Market, DAR building sa Barangay 14 kag sa City Library.
Ang anay midway facility sa Barangay Alijis ang nagaserbe karon storage area.
Sa hunyo pagasuguran ang demolition kag pag rehabilitate sang city hall.
Magalawig ini sa sulod sang 18 ka bulan. Magapabilin sa anay city hall ang historical market kag ang fountain of justice.