Lokal nga pangulohan sang Bacolod kag Negros Occidental ang nagpagwa na sang executive order nga nagapalawig sang modified general community quarantine tubtub sa katapusan nga bulan sang Mayo.
Ini base sa rekomendasyon sang national Inter Agency Task Force may angut sa community quarantine status para sa madason nga bulan.
Sandig sa EO ni Negros Occidental Governor Eugenio Lacson, magapabilin ang curfew hours sa mga banwa kag siudad sa probinsya humalin las otso sang gab-I tubtub las kwatro sang aga.
Base naman sa EO ni Bacolod Mayor Evelio Leonardia, nagapabilin sa gihapon sa las onse sang gab-I tubtub las kwatro sang aga ang curfew hours sa Bacolod.
May yara sa gihapon sang partial liquor ban sa bacolod kun sa diin las dose sang udto tubtub las sais sang gab-I lamang makabakal sang ilimnon.
Parehas na karon ang travel guidelines sang Bacolod kag Negros occidental kun sa diin kinahanglan nila nga magpa register sa s-pass kag staysafe.Ph nga application kun sa diin yara nakabutang ang mga travel requirements.