Bacolod Councilor Renecito Novero ang nagahaylo sa medical community kag mga ahensya sa gobyerno nga tun-an sang matul-id ang ka epektibo sang bulong nga Ivermectin bilang pangontra sa Covid-19.
Ini matapos nga may lima na ka mga ospital sa pungsod nga ginhatagan sang Department of Health sang compassionate special permit para maghatag sang Ivermectin sa ila mga pasyente nga ginabulong sa Covid-19
Ang Ivermectin ang isa ka antiparasitic drug nga ginagamit sang mga beterinaryo sa kasapatan pero madamo sang nagasiling nga epektibo ini pangontra ukon pagbulong sa Covid-19.
Wala ini karon gina endorso sang DOH kag sang food and drug authority bangud kulang pa ini sang nagakaigo nga pagtuon kag ginapatihan nga may negative side effects sa lawas sang tawo.
Nagdihon si Novero sang resolusyon nga ginpasar sang Sangguniang Panlungsod nga nagahaylo sang mas ma-id id nga pagtuon para magamit na sang pumuluyo ang Ivermectin sa tunga sang pagmahal kag kakulang sang supply sang iban nga mga bulong nga ginahatag para sa Covid-19.
Iya man gindugang madamo na karon nga mga doktor ang naga recommend sang Ivermectin kag madamo naman sang nagagamit sini.