Shadow

Amat-amat nga naga nubo ang kadamuon sang bag-o nga kaso sang Covid-19 sa Negros Occidental

Mahinay pero amat amat ang pagnubo sa kadamuon sang bag o nga Covid-19 cases nga naga ka record sa Negros Occidental.

Ini suno kay Dr Mary Ann Maestral ang OIC sang Teresita Lopez Jalandoni Provincial Hospital.

Ang 308 new cases nga na-record sang kahapon suno sa kay Gobernador Eugenio Jose Lacson tuga sang nagtingub nga unreported cases sa nagliligad nga adlaw.

Sang Abril 8, sa datus sang molecular lab sang Teresita Lopez Jalandoni Provincial Hospital na-record ang pinakataas nga bag-o nga Covid-19 cases sa isa ka adlaw – 317. May pag timbuok sa kadamuon sang kaso sang Covid-19 san ika duha nga semana sang Abril.

Suno kay Maestral padayon ang pag proseso sang laboratory sang mga swab tests gikan sa naga pinauli, mga OFW kag gikan sa mga subject sa contact tracing. Humalin sang lunes sini nga semana tubtob subong nga adlaw 80 ang pinaka manubo nga na-record nga new Covid cases sa isa ka adlaw kag pinaka mataas nga na record ang kahapon 308. Subong nga adlaw, 195 ang new cases.

Wala naman untat ang pahanumdom sa maid-id nga pagsunod sa minimum health protocol.

Secured By miniOrangeSecured By miniOrange