Nakaangkon sang seryoso nga pilas sa ilok ang 19-anyos nga criminology student rason sang iya kamatayon sa insidente sang pagpangbuno nga nagluntad sa New Casal-agan, Barangay Antipolo sa banwa sang Pontevedra, Negros Occidental, Lunes sang gab-i.
Nag-gwa sa imbestigasyon nga nagapanghangkat sang inaway ang hubog nga suspek, nga ginkilala kay alyas “Arthur”, residente sang nasambit nga barangay.
Ginpakalma sang iya pamilya ang suspek, apang iya ginbuno ang iya bayaw nga ginkilala kay alyas “Agustin”, 53-anyos, kag naigo sa butkon.
Nagbulig tambag si alyas “Charm”, nga isa ka 2nd year B.S. Criminology student sa La Carlota City, kag nabun-an man sang suspek. Siya ang gindeklarar dead on arrival sa ospital sa La Carlota.
Nalagyo si alyas “Arthur” apang sa bulig sang force multiplier kag barangay official, nakit-an siya nga nagalakat-lakat sa Brgy. Canroma, Pontevedra kag na-aresto.
“Actually naga-inquest na sila subong, nagahulat na lang to sila matapos. Homicide ang case. Ang isa nga wala napatay, ang wala pa naka-decide kung ma-file kaso kay relative, bayaw to siya sang suspect. Gin-una lang anay ang kaso nga homicide. Tupad-balay ang suspect kag ang estudyante”, suno kay Police Captain Darryl Kuhutan, hepe sang Pontevedra PNP.
[sibwp_form id=1]