Shadow

Covid-19 cases sa Negros Occidental padayon ang pagsaka

106 ang bag-o nga kaso sang Covid-19 sang Negros Occidental base sa June 21 nga report sang Provincial Incident Management Team.

40 naman ang naka recover na kag 5 ang napatay sa Covid-19 base sa amo nga report.

Suno kay Negros Occidental Governor Eugenio Jose Lacson, nakit-an ang pagsaka panaog sang new Covid-19 cases sa probinsya.

Nagapati siya nga ang pagsaka sang active cases sang negros occidental tuga sang kakulang sang kooperasyon sang mga pumuluyo.

Ehemplo na lamang suno sa iya sa iya nga pagpadulong sa San Carlos City sa mga nalabyan niya nga mga nabukid nga bahin sang probinsya madamo sang wala naga mask.

Wala man niya gina siling nga nagikan sa amo nga mga lugar ang mga kaso sang Covid-19 pero wala naga untat ang probinsya sa pagpahanumom sa publiko nga magsunod sa health protocol. Ang mga lugar nga may matag-as nga kaso sang Covid-19 ang ginapahanumdom man nga dapat magpanikasog pa gid sa kampanya kag mas estrikto nga pagpatuman sang mga health protocol.

Secured By miniOrangeSecured By miniOrange