COMELEC NIR Regional Director ang naga pahanumdom sa mga kandidato nga maghalong kag ipasiguro nga nasandig sa gina mando nga standard ang mga campaign materials kag nabutang ini sa ginatugutan nga mga lugar.
Kun indi man lang maka pasiguro sini mas maayo nga magbutang sang campaign materials sa mga pribado na lamang nga lugar.
Suno kay Atty Lionel Marco Castillano, nahangpan niya nga ang mga kandidato nga naga kampanya na karon wala sang tuyo nga magsupak sa mga pagsulundan.
Una likawan gid ang mag butang sa mga kahoy kay wala labot nga may pagsupak sa Fair Elections Act may pagsupak pa gid sa Forestry Code.
Gina dumilian man ang sa mga poste labi na sa bahin sang safety and security.
Wala man ginatugutan magbutang sa public structure.
Kun sa pribado nga lugar kag may pahanugot man lamang sa tag-iya sini, suno kay Castillano maka pagusto ang kandidato sa pagbutang sang iya nga mga campaign materials.
Damlag pa ginsiling ni COMELEC Chairperson, George Erwin Garcia nga may 34 ka mga partylist organization ang ila nga padal-an sang notice bangud nakit-an nga sila ang may mga pagsupak.
Ang Abang Lingkod Partylist isa na diri kag gin pasalig ni Board Member Manuel Frederick Ko, first nominee sini nga kun mabaton nila ang notice sila ang maga comply diri.
Ang non-compliance suno sa COMELEC nagakasayuran nga sarang sila mapasakaan saang disqualification case.
“Ganito na lang para hindi sila makasuhan ng disqualification, hindi sila maabala, sabihin na lang na ilagay sa private place”, suno kay Castillano.