China-based firm interesado magpatukod sang charging stations para sa maga ibyahe nga e-jeep sa Bacolod.
Gin-road test ang siyam ka mga bag-o nga e-jeep nga ginaplano ibyahe sa Fortune Towne – Central Market, Ptaytay – Central Market kag Shopping Libertad sa Bacolod.
Duha sa mga una nga nag abot nga e-jeep nga naga-balor sa tig-P2.3M ang gin-donate sa Bacolod. Temporaryo nga gina charge ang mga e-jeep sa natukod nga charging station sa Bacolod City Government Center.
Pero suno kay City Administrator Lucille Gelvolea, may kumpanya na nga nagpalab-ot sang interes nga magpatukod sang charging stations sa pila ka mga strategic areas para sa italana nga rota sang e-jeep.
Ang pamunuan sang Jiangsu Fengshuen New Energy Power Corporation nga amo ang naga manufacture sang mga e-jeep nagalaum nga masuguran sang Chinese-based firm ang construction sang mga charging stations sa sini nga tuig. Ini antes pa man iga-deliver ang dugang nga mga e-jeepney units kag ang ginapaabot nga pagtukod nila sang manufacturing plant sa siudad.