Commission on Population and Development Region 6 ang naga paandam batuk sa nagasaka nga teenage pregnancy sa Western Visayas.
Negros Occidental ang nagapanguna sa adolescent live births.
Sa datus sang Philippine Statistics Authority nagsaka sang 2022 ang na-record nga live birth sang mga adolescent mothers ukon ang yadtong naga pang-edaron 19 anyos paidalom. Sa amo nga datus suno sa Commission on Population and Development ukon CPD, 8,787 sa 89,901 nga total live birth, ukon 9.77 percent, mga adolescent mothers. Mas mataas sa 9.10 percent nga na record sang 2020. Humalin 2020 tubtob sa 2022, nagsaka sa 77 percent naman ang adolescent live birth sa mga iloy nga naga pang edaron 15 anyos paidalom sa rehiyon suno sa CPD.
Sa mga probinsya sa Region 6, ang Negros Occidental ang nagapanguna sa adolescent live birth nga nag record 3,305 suno sa CPD. Naga sunod ang Iloilo nga may 2,390 cases, Capiz, 973, Aklan nga may 694 cases, Antique 555 kag Guimaras nga may 232 cases. Sa Highly Urbanized Cities naman ang Iloilo nag record sang 382 kag Bacolod 256 cases sang 2022.
Naga paandam ang CPD sa saka sang adolescent pregnancy kag naga duso sang Adolescent Health and Development sa kada LGU bilang kabahin sang localization strategy. Damlag pa ginpahayag ni Negros Occidental Governor Eugenio Jose Lacson nga ang teenage pregnancy ang ila nga pungkuan sang mga local chief executive agudto mapanubo ini. Nagapanawagan man ang CPD sang collaboration sa mga partner government agencies, civil society orgnaization kag mismo sa komunidad nga naga duso sang Adolescent Health Development ukon AHD.
Ang AHD isa ka key strategic action sa Philippine Population and Development-Plan of Action. Pila sa nalakip nga strategies amo ang pagpatuman sang Comprehensive Sexual Education sa mga eskwelahan kag komunidad, pag paayo sang access sa sexual kag reproductive health; pag prevent sang sexual violence sa mga kababainhan kag mga kabataan nga babaye.