Balita Hiligaynon

Suno kay Business Permit and Licensing Office Head Stella Rose Rayos, may lapit 300 ka establisimiento ang na-issuehan sang closure notices, kag 22 sa ila wala liwat na buksan as of October 30.Ang mga indi rehistrado nga negosyo nagalakip sang boutique, water refilling stations, kag mga karenderya. Natukiban ini nga mga operasyon pinaagi sa random inspeksyon sa kada Barangay.Ginpahayag ni Rayos nga importante ang husto nga permit para masiguro ang legal kag protektado nga operasyon, kag para malikawan ang problema sa kalimpyo, seguridad, kag consumer protection.Ginpanawagan niya sa mga negosyante nga magkuha sang kinahanglanon nga permits antes mag-operate.Padayon ang monitoring sang BPLO sa mga establisimiento sa syudad, kag nagalaum sila nga madamo pa ang magpasakop s...

Patay ang 19 anyos nga Senior High School graduate matapos mabunggo ang iya nga ginadala nga motorsiklo sa naga-park nga truck sa National Road sa Barangay Malabugas, Bayawan City sang Domingo.Sa impormasyon gikan sa Bayawan City PNP, gikan sa Barangay Pagatban ang biktima padulong sa city proper sang nabungguan sini ang likod sang truck nga naga parking sa higad sang dalan nga wala sang early warning device nga nakabutang.Sa kakusog sang impact, naglabog ang biktima sa sementado nga karsada nga nag resulta sa iya nga mga samad sa lawas.Patay na ang biktima sang mag abot sa ospital.Gina usisa pa kun sin-o ang driver nga nagbilin sang truck humalin pa sang Sabado nga adlaw.*

Naglapta sa dalan ang mga biktima matapos ang pagbungguanay sang trailer truck kag tricycle sa kurbada nga dalan sang Hacienda Tipolo sa Barangay Camandag, sa La Castellana, Lunes sang hapon.Patay ang duha ka mga pasahero sang tricycle.Dead on the spot ang 18-anyos nga babaye, residente sang Brgy. Mansalanao sa La Castellana samtang kagab-i ginbawian sang kabuhi sa ospital sa Bacolod City ang 13-anyos nga lalaki, nga taga Brgy. Magallon Cadre sa Moises Padilla.Base sa traffic investigation sang La Castellana PNP, naglikaw sa nagalabaw nga kawayan sa kurbada nga dalan ang trailer truck nga ginamaneho sang 35-anyos nga taga-Brgy. Robles sa La Castellana, rason nga nagsaylo ini sa pihak nga lane kag nabungguan ang nagapadulong nga tricycle.https://www.youtube.com/watch?v=_qHa...

Sa post sa page ni Mayor Greg Gasataya, nakasaad nga ang dugang nga artificial reefs sa baybayon ang kabahin sang padayon nga programa sa pag preserve sang marine ecosystem sakop sang kadagatan sang Barangay Singcang-Airport, Tangub kag iban pa nga kaiping nga barangay.Ginapabakod sang proyekto ang posibilidad nga magdamo ang mga isda kag iban pa nga marine species, nga sa ulihi magahatag man sang dugang nga oportunidad sa palangabuhian sang mga mangingisda sa nasambit nga mga lugar.Ang lokal nga gobyerno nagpasalig nga magapadayon ang deployment sang artificial reefs bilang isa sa mga lihok para mapaayo ang marine environment sa amo nga area.*

Hugot ang pagbantay sang Bacolod City Police Office batuk sa iligal nga pagbaligya sang firecrackers samtang nagahilapit ang Paskwa kag bag-ong tuig.Ginpahayag ni Police Lieutenant Colonel Antonio Benitez, nga padayon ang ila monitoring kag inspeksyon kaangay sang ginahimo sang Bureau of Fire Protection - Bacolod kag Regional Civil Security Unit sa mga kumpanya nga naga panghimo palupok kag naga baligya sini.Suno pa kay Benitez, wala pa sang na record nga iligal ukon imported nga firecrackers nga nagsulod sa siudad. Apang kun may reklamo ukon impormasyon gikan sa publiko, paga aksyunan ini paagi sa pagkuha sang search warrant kag pagpatigayon sang operation batuk sa posible iligal nga aktibidad.Ginpahanumdom man ni Benitez ang mga vendors nga dapat magsunod sa tanan nga reg...

Dakup ang isa ka teenager nga babaye matapos makuhaan sang masobra P1.5 million nga balor sang suspected shabu sa Purok Narra-Baybay sa Barangay 8, Bacolod City, Domingo sang gab-i.Ginkilala ang gindakup kay alyas “Gel,” 19-anyos, residente sang nasambit nga barangay.Matapos ang casing kag surveillance, napat-ud sang kapulisan nga nagabaligya sang iligal nga droga ang subject, gani ila na ini nga gin buy-bust.Ginabulubanta 230 gramos sang ginasuspetsuhan shabu ang nakuha kay alyas “Gel,” nga isa ka ginakabig High-Value Individual.Narekober sang katapo sang City Drug Enforcement Unit sa subject ang 9 ka pakete sang suspected shabu kag P1,000 nga marked money.Detained karon sa Police Station 2 ang gindakup nga babaye kag kaso nga pagsupak sa Republic Act 9165 ukon Com...

Nakakumpiskar ang kapulisan gikan sa isa ka high value target, sang masobra isa ka kilo sang ginasuspetsuhan shabu nga nagabalor kapin P7 milyones sa buy-bust operation sa San Jose, Negros Oriental.Arestado ang 33-anyos nga subject sang buy-bust nga ginkilala kay alyas “Basim,” residente sang Pamplona sa Negros Oriental.Nakabaton ang otoridad sang impormasyon nga magluwas nga nagabaligya kag naga-distribute sang iligal nga droga ang subject, armado man ini sang pusil.Narekober sa subject ang 28 ka pakete sang ginasuspetsuhan shabu, pila ka non-drug items, kwarta kag motorsiklo.Nakuha man sa iya ang isa ka unit sang S&W caliber .357 mm revolver nga loaded sang tatlo ka mga bala.*

Ginsiling ni Councilor Jude Thaddeus Sayson, chairman sang Sangguniang Panlungsod Committee on Appropriations, Budget and Finance, ila ginsiguro nga mapataas ang alokasyon para sa Bacolod City Comprehensive Health Program (BacCHP), Senior Citizens, Burial Assistance, kag Assistance to Individuals in Crisis Situation (AICS).Dugang pa ni Sayson, magasugod man sa 2026 ang paghatag sang PWD assistance para sa mga persons with disabilities sa siudad.Ginlakip sa aprubado nga pondo ang bahin nga 50% halin sa locally generated revenues kag 50% gikan sa National Tax Allotment.Upod sa 20% Development Fund ang 5% nga para sa Disaster Risk Reduction and Management Fund, kag ang para sa Maintenance and Other Operating Expenses (MOOE) fund nga daku nga bahin sa pondo.Sa 2026 budget, ...

May 12 ka mga banwa kag siudad sa Negros Island Region ang padayon nga naga operate sang open dumpsite.Ini base sa report ni Department of Environment and Natural Resources Regional Director, Charlie Fabre sa quarterly meeting sang Regional Development Council nga gin patigayon sang nagligad nga semana.Nakasaad sa report nga ang Binalbagan, San Enrique, Valladolid, Isabela, Don Salvador Benedicto, Cauayan kag EB Magalona sa Negros Occidental kag Guihulngan City, Jimalalud, Bindoy, Sibulan kag Bacong sa Negros Oriental ang may yara sang opend dumpsite.Sa idalom sang Section 37 sang RA 9003 ukon ang Ecological Solid Waste Management Act of 2000 suno kay Fabre, gina mando ang pagsira sang mga open dumpsite kag pag dumili sini.Ang mga LGU ang gina require man sa pag convert...

Ang P50 million pesos nga nabaton sang probinsya para sa bagyo Tino nga bulig ang sa karon wala pa man matandog.Suno kay Negros Occidental Governor Eugenio Jose Lacson sa interview sang media sang Sabado, ini bangud kinahanglan pa nga mapirmahan anay ang Deed of Donation.Gikan ang pondo sa Presidential Assistance Fund. May yara sang delay suno kay Lacson bangud ang isa sa mga signatories sa amo nga dokumento, si anay USec Adrian Carlos Bersamin sang Presidential Legislative Liaison Office, ang nag-resign gikan sa position.Nagalaum siya nga mahatagan sang konsiderasyon ang deed of donation bisan pa nga wala sang lagda ni Bersamin.Kasubong man ang sitwasyon sa pondo sang La Castellana kag Moises Padilla.Sa karon sila ang naga hulat pa sang feedback angut sa releasing ...