Balita Hiligaynon

Nagpangabay ang Sangguniang Panlungsod sa Bacolod nga pasakaan ang transportation allowance sang mga association presidents sang Persons with Disability kag Senior Citizens halin sa 500 pesos pakadto sa 1,000 pesos kada bulan.Ang request ginhimo paagi sa Department of Social Services and Development, Office of the Senior Citizens Affairs kag Persons with Disability Affairs Office (PDAO) kay Mayor Greg Gasataya.Ini nga Proposal nakasulod sa resolusyon nga gin-author ni Councilor Atty. Caesar Distrito, chairperson sang Committee on PWD Affairs, kaupod si Councilor Celia Flor, chairperson sang Committee on Senior Citizens.Suno kay Distrito, nagtambong ang mga association presidents kag nagapabalo sang mga programa sang syudad sa ila mga miyembro.Gindugang niya nga dugay na...

Sa masunod nga semana ginapaabot nga magabukas na liwat ang Emergency Room sang Corazon Locsin Montelibano Memorial Regional Hospital.September 2025 sang temporary ini nga ginsira para sa renovation. Kaina ginpatigayon ang inagurasyon sang bag-o nga pasilidad sang ospital.Sini nga hapon ginpalantaw sa media ang mga bahin sang ER nga gin-renovate halin sa mga kwarto, banyo kag mga facilities.Malayo na ini sa daan nga sitwasyon ang ER sang ospital.P92M ang gintalana nga budget para sa pagpaayo sang kahimtangan sang ER sang CLMMRH kag mapalapad pa gid ini. Masunod naman nga i renovate amo ang mother and child unit.*

Nagapati si Bacolod Representative Alfredo Abelardo Benitez nga indi mangin madinalag-on ang impeachment complaint nga gin-file batuk kay Presidente Ferdinand Marcos, Jr.Wala ya pa man nakita ang complaint nga na-file, pero iya ginsiling nga indi na ini mangin madinalag-on.Ang presidente pa gani suno sa iya ang nag-expose tubtob sa national level sang corruption issues labi na ang sa flood control projects.Mataas na ang awarenes sang mga pumuluyo sa karon dugang pa niya.Ano pa gid suno sa iya ang maayo nga kaayuhan nga madulot sang impeachment sa pungsod.Para naman kay 3rd District Representative Javier Miguel Benitez iya lantawon ang mga merits sang impeachment complaint nga gin-file.Sadto anay natabo naman ini sa mga anay presidente sang pungsod.Ang impeac...

Ang Department of Health ang dapat man nga mag buhat sang tikang angut sa artificial sweeteners.Ini suno kay House Committee on Agriculture Chairperson, Rep Wilfrido Mark Enverga nga nag patpat nga ang mga artificial sweeteners may yara sang malain nga epekto sa ikaayong lawas base sa pagtuon.Ang influx ukon ang pag sinulod sang artificial sweeteners sa pungsod isa sa gina lantaw nga kabangdanan sang kapierdehan sang sugar industry sa karon.Ang sucralose nga isa ka artificial sweetener, damlag pa ginsiling sang Sugar Regulatory Administration ang tuman nga nag apekto sang domestic sugar consumption sang mga large-scale manufacturers.Ginabulubanta yara sa 750,000 metric tons sang domestic sugar ang equivalent sang kadamuon sang artificial sweeteners nga naga sulod sang p...

Public consultation nga ginpamunuan sang chair sang Senate kag House committee on Agriculture angut sa pag sarurot sang presyo sang kalamay ang gin patigayon.Kun indi ma aksyonan, ginapaabot magadangat sa masobra P20 billion ang madula nga income sang industriya tubtob sa Hunyo.Yari ang report ni Barbara Mijares.*

Sa mismo nga seafood capital sang Silay City may naga luto na sang authentic nga Bacolod chicken inasal.May report si Romeo Subaldo.*

Ginsiling ni Governor Eugenio Jose Lacson nga ang moderno nga slaughterhouse pag pakita sang pag tin-ad sang Murcia.Paagi sa pag paayo sang sanitary standards, lakip na sang product quality kag pag pabakod sang value chain gikan sa farm to market suno kay Lacson, ang amo nga facility ang maga benepisyo sang mga manugsagod sang kasapatan lakip na meat vendors.Gina paabot nga mas mapasanyog sini ang mga economic opportunities sa mga kabanwahanan.Ginapasalamatan sang probinsya ang National Government sa pagpatuman sang proyekto paagi sa Philippine Rural Development Project, upod na ang mga partners kaangay sang Department of Agriculture.P37.8 million sa pondo nga gin gamit ang gikan sa World Bank, P4.7 million ang gikan sa Department of Agriculture kag P12.6 million ang gi...

Ginapaabot nga maga operate na liwat sini nga semana ang traffic lights sa Sum-ag.Suno sa pamuno sang Bacolod Traffic Management Department nga si Atty. Reuben Mikhail Sabig, nabayaran na sang nagligad nga semana ang kuntador sang natungdan nga traffic lights.Dugang pa niya, sang ginpatigayon ang road widening project, nadala ang traffic lights kag naguba ang pila ka mga wiring sini. Ini ang isa sa mga rason kun ngaa wala ini naka-operate.Dugang pa ni Sabig, wala na ini naga-operate antes siya ginbutang sa pwesto bilang hepe sang BTTMD.Pero ginapaabot nga sini nga semana magabalik na ang supply sang kuryente sang traffic lights.Suno pa sa iya, isa man sa mga rason kun ngaa wala ini naka-operate bangud gin-utod ang supply sang kuryente bangud ang bill nga dapat ihatag sa...

Maga-reinforce ang 300 ka mga kapulisan gikan sa Negros Island Region para sa seguridad sang Dinagyang Festival 2026 sa Iloilo sini nga weekend.Nalakipan ang augmentation personnel sang 63 ka mga pulis gikan Bacolod City Police Office, 69 halin sa Negros Occidental Police Provincial Office, 65 sa Regional Mobile Force Battalion, 100 ka mga bag-ong graduate nga personnel halin sa Field Training Program kag tatlo halin sa regional headquarters.Maga-duty ang deployed forces sumugod subong nga adlaw, Enero 22 tubtob Enero 26.Sang Martes, ginpatigayon ang send-off ceremony sa Camp Alfredo Montelibano Sr., Barangay Estefania sa Bacolod City.*

Padayon nga ginapangita sang kapulisan ang manugbaligya isda nga nagbuno sa isa ka mananagat sa Purok 7, Dala, Barangay Aguisan sa Himamaylan City.Dead on arrival sa Governor Valeriano Gatuslao Hospital ang biktima nga si alyas “Junjun”, 47-anyos.Ginsiling ni Police Lt. Col. Kym Lopez, hepe sang Himamaylan PNP, indi pag-intyendihanay ang motibo sa insidente.Nag-gwa sa imbestigasyon nga naga-inom-inom ang biktima upod sa iya abyan sa tiangge sang nag-abot ang suspek nga ginkilala kay alyas “Jojo”.Gin-liab ni alyas “Jojo” si alyas “Junjun” rason nga nagkuha siya sang botelya ka beer kag ginlampos sa suspek apang wala niya ini maigo.Ginlagas sang biktima ang suspek kag sang iya na ma-corner, ginbuno sang suspek ang biktima sang makapila ka beses sa iya nga dughan.S...