Balita Hiligaynon

Ginpahayag ni Councilor Homer Bais, chairman sang Committee on Environment, nga indi automatic nga mangin winning bidder ang kompaniya bisan pa ini ang may pinakanubo nga calculated bid sa mga kontrata sang gobyerno.Ini ang reaksyon ni Bais matapos gin-deklarar ang IPM Construction and Development Corporation bilang lowest calculated bidder para sa garbage hauling project sang Bacolod.Ginpaathag sang konsehal nga subong kabahin sang government bidding process, kinahanglan pa nga ma-evaluate sang Bids and Awards Committee (BAC) ang mga dokumento, technical capability, kag nagligad nga performance sang bidder.Suno kay Bais, posible gihapon nga ma-disqualify ang kompaniya kon indi ini makasunod ukon makalambot sang ginapatuman nga mga criteria.Gin dugang pa niya nga sa ida...

Handa mag-invest tubtob sa P3 billion ang kumpanya sang business tycoon nga si Lucio Co para mapaayo ang serbisyo sang Bacolod City Water District sa mga konsumedor sini.Ini suno kay Bacolod District Representative Albee Benitez sa interview sang media sang Disyembre 18.Ginsiling ni Benitez nga naka istorya sila ni Co, Hwebes sang aga sa pagtalakay sang kinahanglanon nga capital para ma improve ang water services.Ang modernization program gina bulubanta sang BACIWA nga yara sa P1.5 billion. Willing si Co suno kay Benitez sa pag invest sang tubtob sa P3 billion.Ang Villar Group ang damlag pa nag-announce nga ang Crystal Bridges Holding Corp. ni Co ang maga acquire sang 100 percent sang PrimeWater Infrastructure kun sa diin may yara sang joint venture agreement ang BACIWA...

Liwat nga ginpapanaugan sang preventive suspension ang anay Officer-in-Charge sang Office of the Building Official ukon OBO nga si Engr. Isidro Sun kag ginrekomendar man ang pagpasaka sang criminal charges batuk sa iya.Gin kumpirmar ni City Legal Officer Atty. Karol Joseph Chiu nga ginpasakaan sang kaso si Engr. Isidro Sun may kaangtanan sa under-declaration sang floor area sang isa ka negosyo sa Barangay Cabug, Bacolod City sang 2024.Gikan sa masobra 4,000 sqm nga floor area, kapin 2,000 sqm lamang ang gin-deklarar, nga nagresulta sa daku nga pagnubo sang ginbayaran nga business kag occupancy permits.Si Engr. Sun amo ang nag-approve kag nagpirma sang assessment, orders of payment, kag certificate of final inspection. Bangud sini, ginpasakaan siya sang administrative charges kag ginp...

Nasunog ang 20 ka mga pamalay nga himo sa light materials matapos mag-ibwal ang kalayo sa Purok Tahong, Barangay 2 sa Bacolod City, pasado las 2 kaina sang kaagahon.Suno kay Fire Officer 2 Rolin Paulan, chief investigator sang Bacolod City Fire Station, nagsugod ang kalayo sa balay ni Marcelino Pitogo nga gina-rentahan sang isa ka ginkilala kay Gerald Nessia.Madasig nga naglapta ang kalayo sa mga kaiping nga balay bangud himo ang mga ini sa light materials.Base sa record sang Bacolod BFP, 35 ka mga indibidwal ukon 20 ka mga pamilya ang apektado bangud sang sunog.Ginabulubanta P125,000 ang kahalitan sang sunog.Suno sa panaysayon sang mga kaingod balay kag mga saksi, nagsugod ang kalayo sa nakasindi nga kandila bangud nga wala sang kuryente ang balay nga gina-istaran ni Gerald.Ap...

Bilang panugod sa 2026 indi na pwede maka gamit sang single-use plastic sa Sagay City.Ini ang kaundan sang City Ordinance number 2023-015 ukon ang pagpatuman sang pag ban sa pag gamit sang single-use plastic bilang kabahin sang panata sang siudad para sa mas matinlo, mas health kag mas sustainable nga siudad sa palaabuton.Sa karon kada Martes, Biyernes kag Domingo lang ginapatuman ang pag ban sa single-use plastic, mangin adlaw-adlaw na ini sumugod sa New Year.Eco bags, net, reusabe containers kag papel na lang ang paga gamiton sa mga merkado.May pila na ka mga LGU sa Negros Occidental nga naga patuman sang pag ban sang single-use plastic bangud isa ini sa mga ginatudlo nga rason sa pagbaha.

Gin-inagurahan ang bag-o lang natapos nga Administrative Building kag Grandstand sang Negros Occidental Police Provincial Office sa Barangay Estefania, Bacolod City.Ang Administrative Building gintukod liwat matapos ang 50 ka tuig sadtong 2022 paagi sa pondo sa idalum sang General Appropriations Act of 2024 nga nagabalor masobra P34 milyones.Samtang ang pagpatukod sang grandstand kadungan sa Admin Building ang ginpondohan halin sa Peace and Order Council Fund sang Provincial Government sang Negros Occidental nga nagabalor P10.5 Million.Suno kay Negros Island Region police director Brigadier General Arnold Thomas Ibay, makabig nga maragtason ang inauguration sang bag-o nga building kag grandstand bangud ini ang nagapakita sa kahandaan sang bag-o nga gintukod nga rehiyon, sa pag-pangap...

Maga sugod na sini nga December 20 ang break sang mga estudyante sa pampubliko nga buluthuan. Enero 5 naman maga resume sang klase.Ginapatigayon na sa karon ang mga Christmas parties.Suno kay Almyr Caezar Dequina ang spokesperson sang Department of Education Negros Island Region, sa memorandum nga gin-release nila gin hatagan emphasis ang simple pero makahulugan nga selebrasyon sang yuletide season.Ang mga school heads kag mga manunudlo, ang pwede mag modify sang ila nga selebrasyon paagi sa pag incorporate sang psychological first aid ukon psychosocial actitivities kasunod sang natabo nga kalamidad sa probinsya.*

Dead on arrival sa ospital ang 34-anyos nga lalaki matapos gintiro sang wala pa makilal-an nga suspek sa Purok Sab-a, Barangay Montilla sa banwa sang Moises Padilla.Nag-gwa sa imbestigasyon sang Moises Padilla PNP nga nagasakay sa iya motorsiklo ang biktima halin sa Sitio Haroy sang gintawag siya sang duha ka mga suspek.Nanaug sa motor ang biktima kag nagpalapit sa mga suspek.Isa sa mga suspek ang nagtiro sa biktima sa natuo nga butkon kag ilok.Padayon pa ang imbestigasyon kag pagpangita sang saksi agud makilal-an ang nagpalagyo nga mga suspek.Suno sa pulis, antes sang insidente, nakabaton ang biktima sang pagpamahog halin sa isa ka residente sang Brgy. Montilla angut sa inaway sa duta.*

Ginpahayag ni City Administrator Atty. Mark Mayo nga gin-endorso na sang Local Market Committee kag gin-aprubahan sang City Council ang pagbaligya sang prutas sa dalan Burgos sa Burgos Market, dalan Hernaez sa Libertad Market, kag dalan Gonzaga sa Plaza.Suno kay Mayo, ang mga fruit vendors ang mismo magatukod sang ila nga pwesto kag ginpasugtan nga makabaligya halin Disyembre 15 tubtob Disyembre 31, 2025.Base sa record sang City Administrator’s Office, as of Disyembre 17, may 27 ka fruit vendors nga nakaproseso na sang special permit sa dalan Gonzaga kag dalan Burgos, samtang 39 naman ang nakarehistro sa dalan Hernaez.Dugang pa sang City Administrator nga napabalo na ang tanan nga fruit vendors nahanungod sa mga guidelines nga dapat nila sundon sa tion sang ila pagbaligya.*

Malapit sa ₱60 million ang igahatag sang Bacolod City Government bilang service recognition incentive ukon SRI kag iban pa nga benepisyo sa mga empleyado sini, suno kay Mayor Greg Gasataya.Ginpahayag sang alkalde nga ini ang gin aprubahan na sang Sangguniang Panlungsod. Ginpahayag ni Gasataya nga ang mga regular employees ang makabaton sang ₱20,000 nga SRI.Iya man ginsiling, nga ang mga regular employees ang makabaton man sang ₱30,000 nga collective negotiation agreement incentive ukon CNA bonus kag performance-based bonus ukon PBB.Ang PBB nga mabaton sang mga empleyado ang kaangay sang 65 porsyento sang ila bulanan nga sweldo. Suno sa alkalde, naga lab-ot ini sa ₱8,000 tubtob ₱76,000, depende sa sweldo sang empleyado.Na-release naman damlag pa ang ₱5,000 nga cash gift kag 14th mon...