Balita Hiligaynon

Naglapta sa social media ang video nga kuha ni Janna Suares angut sa iya gina siling nga bun-anay sa isa ka dalan sa banwa sang Murcia sang Enero 1.Makita sa video ang pag lagsanay sang grupo sang mga pamatan-on. Nakuha man sa video ang pag hawid sa likod sa isa ka pamatan-on tubtob nga natumba ini sa dalan.May mga dala man sila nga kutsilyo suno sa nagkuha sang video. Pero suno naman sa Murcia PNP, wala sang may natabo nga bun-anay apang may isa ka persona ang nasamaran tuga sang pag tapungol.Dugay na nga pag dinumtanay ang rason sang pag-inaway sang mga pamatan-on suno sa PNP. Ila naman ini nga gin refer sa barangay.

Ang CyberCentre sang probinsya ang tigayon nga naka ganar sang masobra sa 99.5 million pesos sang 2022. Suno kay Negros Occidental Governor Eugenio Jose Lacson, 99,595,0000 pesos ang naganar sang CyberCentre kag nalapawan sang masobra sa 500 percent ang target sini nga 15 million pesos.Ang Mambukal catering naman tigayon naka ganar sang 20,000,000 pesos kag nalapawan man ang 15 million pesos nga target. Suno kay Lacson mas gina lauman nila ang daku pa gid nga pag ganar sang Mambukal sini nga tuig karon nga bukas na ini kag indi na mangin istrikto bahin sa vaccine records sang mga naga bisita diri.Naglapaw man sa target ang Ayala rentals nga nagdangat sa 51 million pesos bangud sang collection efficiency. Suno kay Lacson nag overperform ang Economic Enterprise Development sang 2022...

Katapo sang Amlig Tubig nag-rally sa atubang sang Bacolod City Government Center agud ipanawagan ang pagkakas sang 12 percent value added tax sa balayran sa tubig. Wala na maka-pa picture ang pila ka mga bisita sa atubang sang fountain area sang Bacolod City Government Center matapos didto man nag-rally ang katapo sang Amlig Tubig.Nakigsugilanon man ang katapo sang Public Order and Safety Office kag mga pulis sa ila. Pero nagpadayon gihapon ang ila pagtipon. Suno kay Fr. Chris Gonzalez, convenor sa grupo kag director sang Social Action Center, luyag nila nga ihinyo bilang regalo halin kay Mayor Albee Benitez ang pagkakas sang 12 percent nga VAT nga ginapatuman sang PrimeWater kag kun mahimu mabuligan sang alkalde ang 59 ka mga anay empleyado sang Baciwa nga ma-reinstate makaligad mapah...

Probinsya sang Negros Occidental ang nag pa gwa sang Operational Plan for: Listo sa Tag-ulan.Ini kasunod sang pila na ka adlaw nga pag-ulan kasubong man ang pag monitor sa trough sang low pressure area nga naga apekto sang Visayas nga naga lakip sang Negros Occidental kag Bacolod City karon.Suno kay Zeaphard Caelian ang pamuno sang Provincial Disaster Management Program Division, ang Oplan for: Listo sa Pag-ulan ang maga serbe nga guidelines man sa mga local government units angut sa mga tikang nga ila ipatuman sa tagsa ka sitwasyon tuga sang pag-ulan.Nadala na diri ang Standard Operating Procedure man sa tagsa ka evacuation nga ipatuman kasubong man ang pagsulundan sa mga evacuation center labi na mga naga pabilin pa ang covid situation.Sa karon gina bantayan ang mga flood...

May 63 ka firecracker injuries nga na report sa probinsya humalin sang December 21, 2022 tubtob January 3, 2023.Sang December 2021 tubtob sa January 2, 2022 nga datus, 31 lamang ang na record nga firecracker injuries. Kun may pagsaka man suno kay Dr Ernell Tumimbang, ang Provincial Health Officer, mahimo nga tuga ini sang kapaslawan sa pagpatuman sang regulation sa pag gamit sang palupok.Sa datus sang PHO, 42.9 percent sa firecracker injuries nga gin report mga kabataan nga naga pang-edaron 1 to 10 years old. Sa 63 cases,  53 naman diri ang blast ukon burn injuries with no amputation. 13 naman base sa record ang gin-report may liquor intoxication.Sa mga sahi sang palupok, may wallo ka kaso nga ang candle bomb ang gintunaan sang firecracker injuries, pinaka mataas sandig sa...

Imbukada sang bag-ong tuig, nangin matawhay ang voter’s registration sang Bacolod-Comelec nga karon nagsaylo na sa Ayala Malls Capitol Central.Suno kay Bacolod Elections Officer Kathrina Trinio-Cana, mahimo nga tuga lamang ini sang malain nga panahon.Sang holidays sang bulan sang Disyembre, wala naga nubo sa 200 kag nagadangat pa sila sa 240 sa mga nagkalain-lain nga mga transaction sa matag-adlaw.Kaina sa taguri na, mga 20 pa lamang ka mga transaction ang ila nga na process suno kay Cana.Tatlo sila ka adlaw nga yara sa Ayala Malls suno kay Cana kag padayon ang ila nga paghaylo sa publiko nga wala pa maka pa rehistro nga sa mas temprano pa maghikot na.December 12 nag-resume ang voter’s registration kag ini ang maga lawig tubtob sa Enero 31.Ginsugdan na sang Comel...

Bidding para sa construction sang P15M Bacolod Express Satellite Office sa mall ang suguran sang siudad karon nga Enero.Nagsugod na sini nga Lunes ang pag-operate sang Business-One Stop Shop sang siudad sa 4th floor sang Ayala Mall Capitol Central.Madamo gihapon ang personal nga naga-proseso sang ila mga permits.Pero suno kay Stella Rose Rayos sarang naman karon maka-proseso ang mga aplikante sang ila mga business permits online.Ginsiling man ni City Administrator Pacifico Maghari, III nga sa sini nga bulan suguran man nila ang bidding para sa natalana nga construction sang Bacolod Express Sattellite Office (BESEO) sa 3rd floor sang mall.P15M ang igatalana nga pondo sang siudad para sa BESO nga amo ang magaserbe nga one-stop shop para sa mga nagakuha sang requiremen...

Arestado ang isa ka lalaki matapos ini magpalupok sang armas pila ka minutos antes ang bag-ong tuig sa Guihulngan City sa Negros Oriental.Ang suspek amo si Larry Vico. Suno sa PNP, gin reklamo si Vico matapos makita nga nagpalupok ini sang iya armas gani gilayon man siya gin kadtuan sang pulis kag gindakop. Nakuha sa suspek ang iya .45 calibre nga armas upod sang duha ka fired cartridge.Samtang, isa man ang pilason sa Dumaguete City matapos maigu sang layaw nga bala sang new year.Sa imbestigasyon sang PNP, ang biktima ginkilala kay Ronilo Guillepa, 58 anyos, ang naga saulog lang sang new year sa ila puluy-an sang hinali ini maigu sang bala sang calibre .45 sa iya nga likod. Gilayon man siya nga gindala sa ospital agud mabulong.

Patay ang 55 anyos nga si Alfredo Gantalao Sr., matapos ini gin buno sang iya junior nga anak sang adlaw sang new year sa Guihulngan City sa Negros Oriental.Suno sa PNP, nakainom sang Domingo sang hapon ang amay kag nagamaoy.Nag panghampak sang kahoy ang amay suno sa pulis kag isa sa iya naigo amo ang iya sini anak.Nagbalos ang iya nga junior kag ginbuno ang iya amay nga nag resulta naman sa iya sini kamatayon. At large tubtob sa karon si Alfredo, Jr.

Courtesy: Calatrava PNPNasapwan nga patay kahapon ang 17 anyos nga lalaki nga naga lutaw sa turogban sa Barangay Bantayanon sa Calatrava.Suno sa PNP, December 30 pa sang wala makapauli ang menor de edad apang wala man ini gin pangita sang pamilya, sa ila nga pag dumdom nga nag tiner lang ini sa iya mga himata.Indi pa mapat-od karon sang PNP kun may foul play sa kamatayon sang menor de edad. Indi man luyag sang pamilya nga ipaidalom sa autopsy ang bangkay sang menor de edad suno sa pulis.