Balita Hiligaynon

Basta naga padayon lamang ang vaccination program, wala sang may nakita nga threat gikan sa Covid sa karon. Ini suno kay Dr Ernell Tumimbang ang Provincial Health Officer nga padayon sa gihapon ang paghaylo sa publiko nga dapat pangapinan ang kaugalingon paagi man sa pag pabakuna.Sa January 3 nga report sang Department of Health Western Visayas, 78.78 percent sa target population sang Negros Occidental ang fully vaccinated, 161.02 percent naman ang fully vaccinated sa Bacolod.Damlag pa ginpahayag sang Department of Health nga gina paabot ang pagsaka sang Covid cases tuga sang holidays kun sa diin nangin masako ang tanan kag may mga dalagko nga pagtililipon. Abiso ni Tumimbang nga kun may gina batyag nga flu like symptoms mas maayo nga mag self-isolate na lamang.Sa Januar...

[embedyt] https://www.youtube.com/watch?v=BbtwBRnmgJ0[/embedyt]Malapit sa 1,000 ang ginbuhin sa JO workers sang Bacolod

Bacolod City Legal Enforcement  Team nagpatuman sang clearing operation sa dalan Lopez Jaena kag Libertad Market. Luyag sang siudad nga mapabilin nga matawhay ang dalan Lopez Jaena pakadto Libertad Market nga masami nagagutok ang lakat sang trapiko kun peak hours.Gani humalin kahapon nagpatuman sang clearing operation ang City Legal Office enforcement team batuk sa mga naga-double park nga salakyan sa alagyan.Ginsubay nila halin bangga Patyo asta Libertad Market agud mapasiguro nga wala bisan tricycle ukon trisikad nga masami naga park kag nagalaksam sang dalan.Suno kay Rey Demisana, pamuno sang enforcement team nga ila man ginsiguro nga pati mga sidewalk kag market vendors nga nagabaligya sa gwa sang merkado angwala nagalapaw sa gin-designate sa ila nga area. Sini man...

[embedyt] https://www.youtube.com/watch?v=5RDNZNl_-28[/embedyt]3 ka mga bangkay ginpang wigit sa Silay City

Bag-o nga talatapan sang LTO-Bacolod sa Manayao-sayao, Mansilingan, Bacolod City. Photo by Atty Ray DiazPagbukas sang bag-o nga talatapan sang Land Transportation Office, bagsakan para sa organic produce kag pag operate sang shared facilities sang probinsya ang pila lamang sa gina paabot sa bulan sang Enero.Yara sa Manayao-sayao sa Barangay Mansilingan sa Bacolod City ang bag-o nga talatapan sang Land Transportation Office nga napahamtang sa duta mismo sang probinsya.Suno kay Provincial Administrator Rayfrando Diaz ang probinsya man ang nag patindog sang building nga naga balor sang 33.35 million pesos ilakip ang pagpader, kag gina hulat na lamang ang kumpirmasyon sang isa ka undersecretary sang Department of Transporation para sa blessing sini sa Enero.Ang daan naman nga...

Business registration sa Bacolod City may pagsaka sa 2 percent. Nagalab-ot na sa 22,795 ang business registration sa Bacolod City. Suno kay Stella Rose Rayos, pamuno sang Permits and Licensing Division, nagsaka ini sa dos por siento kun ikumparar sa 22,267 nga mga nagpa-rehistro nga negosyo sang 2021.Tuyo pa sang siudad nga mapasaka pa ini sa 2023 amo nga magluwas sa paghatag sang 10 percent discount sa mga makabayad sang full payment para sa business renewal sa pagsugod man sang one-stop -shop sa Enero 3.Igapatuman sang siudad ang online registration kabahin sang e-governance system nga ginlunsar agud nga mapahapos ang pag-proseso sang mga applicant para sa bag-o nga negosyo kag sa naga-pa renew.Suguran man sang siudad ang pagtukod sang Bacolod Express Service Office sa 3rd...

File photoKontrata ni Atty Rayfrando Diaz bilang consultant sang siudad sang Bacolod ang magatapos sini nga Disyembre 31. Suno kay Diaz, nga nag serbe nga consultant for administrative matters and system review sang siudad sang Bacolod, na plastar na man niya ang tanan nga kinahanglanon sang administrasyon ni Mayor Albee Benitez.Kun kinahanglan siya liwat bukas man siya para diri. Pero sa karon, suno sa iya daw wala man siya sang may mabulig pa gid sa Bacolod. Kaupod ni Provincial Administrator Diaz nga ginkuha bilang consultant sang siudad nga gikan sa probinsya amo sanday Dr Mary Ann Maestral ang chief of hospital sang Teresita Lopez Jalandoni Provincial Hospital kag Lucille Gelvolea ang pamuno sang Economic Enterprise Development Department.Suno kay Diaz, lipod sa iya nga ...

Patay ang isa ka lalaki matapos ginbuno sang iya gin atake kag hana man kuntani bun-on nga persona kagab-i sa Tanjay City sa Negros Oriental.Sa imbestigasyon sang PNP, upod man inom ang biktima nga si Elmer Tubio kag suspek nga si Elmer Lagrisola. Sila ang nag binaisay.Ginsulong suno sa pulis ni Tubio si Lagrisola nga naga hida na sa iya hayob-hayob. Nag agaway suno sa pulis ang duha kag sang nakuha ni Lagrisola ang patalom, iya gilayon gin bunu-buno si Tubio nga nag resulta sa kamatayon sini.Nag surrender si Lagrisola sa station sang army.

Patay ang driver sang tricycle nga si Juniper Labrador matapos ini mabungguan sang motorsiklo kagab-i sa highway bahin sang Barangay Luna sa siudad sang Cadiz.Suno sa PNP, naga kay-o lang sang iya tricycle sa kilid sang dalan ang biktima sang ini ang mabungguan sang motorsiklo.Nag overtake  suno sa pulis ang driver sang motor nga si Moises Dorimon, Jr., sa iya ginasundan nga truck kag sa iya pag balik sa lane, wala niya madeparahan si Labrador nga naga kay-o sang tricycle sa kilid sang dalan.Dead on arrival sa ospital si Labrador samtang padayon nga ginabulong si Dorimon.

Nagbisita sang Miyerkules sa Negros Oriental si Department of Interior ang Local Government Secretary Benhur Abalos kag PNP Chief, General Rodolfo Azurin agud talakayon ang peace and order situation sang probinsya.Damlag pa nag panawagan  si Negros Oriental Governor Roel Degamo nga untatan na ang kriminalidad sa probinsya kasunod sang asud-asud nga pinatyanay sa Negros Oriental.Kabahin sa napatay sang nagligad nga bulan amo ang iya sini supporter. Sanday Abalos kag Azurin, upod kay Degamo ang nag atubang sa mga kapulisan sa Negros Oriental Police Provincial Office agud ipahanumdom sa mga pulis nga ang pag tipig sa kabuhi sang tagsa ang dapat ila mangin prayoridad.Gin inspect man sang DILG secretary kag PNP chief ang kapulisan sa ila pag bisita sa NORPPO.