Balita Hiligaynon

Bag-o nga commander sang 303rd Brigade sang Philippine Army ang bukas sa local peace engagement kag initiatives.Nagapati si Col Michael Samson ang acting commander sang 303rd Brigade nga sa sini nga pamaagi mas masabat ang mga gina atubang nga issue kun ang mga inisyatibo localized.Luyag nila nga mahatagan sang kahigayunan ang peace talks. Karon nga nabakante ang liderato sang Communist Party of the Philipines kasunod sang pagtaliwan ni Jose Maria Sison, ini ang sa bentaha nila suno kay Samson.Pero, kun ang rebeldeng grupo ang sa gihapon mag gamit sang kalakasan maga patuman sang santo man nga tikang ang miltar para diri.“For those who will insist in using violence, there is no other option for us but to respond with military action. We cannot just be observers sa kanilang ...

Patay ang 20 anyos nga si Andy Fabiosa matapos ini matumba sa ginasakyan nga motorsiklo sa dalan sa atubang mismo sang headquarters sang Special Action Force sa Barangay Poblacion 1 sa Sagay City.Sa imbestigasyon sang PNP, nag overshoot sa semento samtang naga dalagan sa highway ang motor ni Fabiosa gani natumba ini.Nag agum sang head injury suno sa pulis si Fabiosa nga gintunaan sang iya kamatayon. Nakainom man ang driver sang amo nga tion suno sa pulis.

Arestado ang 18 anyos nga solterito matapos ini makuhaan sang armas kahapon sa Bais City sa Negros Oriental.Ang suspek nga si John Mark Kadusale ang suno sa pulis, naga lagaw sa ila barangay nga naga pagwa sang iya ginataklos nga armas.Siya ang ginreport gilayon kag gin aresto  sang kapulisan.Nakuha sa iya ang 38 caliber revolver nga may anum ka bala. Kaso nga paglapas sa RA 10591 ang ipasaka batuk sa iya.

2 ka mga stall sa Manokan Country sarang pasirad-an sang City Legal Office sa madasun nga semana.Sa madasun nga semana natalana nga maga-serbe sang final notice of violation sa duha ka mga stall owners sang Manokan Country nga tubtob karon wala pa nakabayad sang ila utang sa siudad.Suno kay City Legal Officer Romeo Carlos Ting, Jr., 15 days ang sarang ihatag sa mga stall owners nga i-vacate ang stall antes pa man sang final closure kun mapaslawan sila mga mag-settle sang ila balayran.Sa katorse ka mga stall owners, duha ang nagapabilin nga nagsupak sang compromise agreement, anum ang natigayon nga nakabayad sang bulanan nga balayran kag renta sa baligyaan.Samtang anum naman ang naka-partially pay. Duha ka tuig ang ginhatag sa 14 ka mga stall owners agud mabayaran nila ang n...

Clearing operation sa mga merkado kag pagbantay sa iban pa nga lugar nga masami ginateniran sang mga sidewalk vendors ginatugyan na sang siudad sa mga kabarangayan.Natapos na sang City Legal Office Enforcement Team ang pagpahalin sa mga sidewalk vendors sa Amelia kag Mercedes Street sa Libertad Market.Suno kay City Legal Officer Romeo Carlos Ting, Jr., madasun nga limpyohan sang enforcement team ang Central kag Burgos Public Market sa pagpatuman sang zero tolerance batuk sa illegal nga pagbaligya sa dalan.Agud nga mapabilin nga hilway ang dalan sa mga sidewalk vendors kag iban pa nga illegal structures ginatugyan sang siudad ang responsibilidad sa mga kabarangayan sa pag comply sa pagsulundan sang Department of the Interior and Local Government.Samtang, may 193 naman ka mga...

[embedyt] https://www.youtube.com/watch?v=A3dNl51iyY0[/embedyt]Nagapadayon ang pagpang hawan sa palibot sang Libertad Market

[embedyt] https://www.youtube.com/watch?v=MZSmuCoswYc[/embedyt]Bisan indi dungan nga ginpang wigit sa Uyot Bridge sa Sitio Lantawan sa Barangay Guimbalaon sa Silay City dako ang pagpati ni Silay City Police Chief, Lt. Col. Mark Anthony Darroca  nga isa lang ka grupo ang may kahimuan sini.Hulungdon ang magpadulong sa lugar, mga 20-30 minutos nga biyahe gikan sa Silay City proper kag madulom ang area.May nakita man ang PNP nga pattern sa paghulog sang patay sa lugar.  Disyembre 30 sang una madiskubrehan nga may nagaka agnas na nga bangkay nga ginhulog sa lugar. Pag usisa sa lugar na diskubrehan man nga may mga tul-an pa gid sang duha ka mga tawo nga nasulod man sa sako nga ginwigit man didto. Disyembre 26 may saksi nga naka kita nga may brown nga In...

Apat ka mga baligyaan sa Manokan Country mahimu pasirad-an liwat matapos mapaslawan magbayad sang utang sa siudad.Apat sa katorse tanan ka mga stall owners ang napaslawan nga makabayad sang utang sa siudad bisan pa natagaan na sang higayon nga makapadayon negosyo sa Manokan Country.Suno kay City Legal Officer Romeo Carlos Ting, Jr., liwat sila nga maga-padala sang notice to pay sa mga stall owners nga wala nagtuman sa compromise agreement.Kun hinali nga mapaslawan gihapon magbayad, mahimu liwat nga pasirad-an sang City Legal Office Enforcement Team ang ila mga baligyaan.  a record sang City Treasurer's Office may P 6.8M ang nabilin nga arrears sang Manokan Country.Sa idalom sang compromise agreement, kinahanglan mabayaran sang mga stall owners ang nabilin nila nga uta...

May tatlo ka mga investors sa karon ang nag pabutyag sang interes sa bulk water project sang probinsya.Ini suno kay Negros Occidental Governor Eugenio Jose Lacson nga nagsiling man sa iya nga New Year’s message sa mga department heads nga sa July gina paabot ang pag patigayon sang bidding para sa amo nga proyekto.Indi anay luyag ni Lacson nga mapalayag ang tatlo ukon mahimo mas sobra pa nga mga investors kag ini ang mahibaluan na lamang sa tion nga matigayon na ang bidding.Ang Negros Occidental Bulk Water Supply Project ang ginakabig sang probinsya major project sini para sa 2023.Ginapaabot nga ini ang magasabat sang kakulang sang supply sang tubig sa Negros Occidental labi na sa Bacolod nga naga panguna nga mabuligan sang amo nga Public-Private Partnership project.

Nasapwan Miyerkules sang aga ang bangkay sang 12 anyos nga bata nga nalumos sa baybay sakop sang Barangay Cadiz Viejo sa Cadiz City.Suno kay Lt Col Gil John Despi, hepe sang Cadiz PNP, nagsipak paligo sang Enero 1 sa ila mga upod ang menor de edad kag isa niya pa ka upod sang gulpi magdalom ang tubig kag nag dalagko ang balod rason nga wala na makita pa ang dose anyos.Nag patigayon sang search and rescue operation sang amo nga adlaw ang rescue team apang wala makita ang dose anyos.Kaina sang aga nasapwan sa baybayon sang Guimaras ang iya sini bangkay nga positibo man ginkilala sang iya nga pamilya.