Balita Hiligaynon

[embedyt] https://www.youtube.com/watch?v=uN_cRx915II[/embedyt]Governor Eugenio Jose Lacson ang maga tinguha nga makig sapol kay Negros Oriental Governor Roel Degamo sini nga semana ukon sa masunod.Sang Disyembre pa naka-sugilanon si Governor Lacson kag Governor Degamo angut sa gina duso nga Negros Island Region. Ginpahayag damlag pa ni Degamo nga indi siya pabor sa pagbalik sang NIR kag pila sa iya gintudlo rason amo ang linguahe kag cultural diffrences.Damlag pa ginsiling ni Lacson luyag niya masugilanon si Degamo para mapat-od kun ano ang mga rason sa iya nga pag kambyo sang iya nga panindugan. Ang mga representative gikan sa Negros Occidental kag Oriental ang naga suporta sa pagbalik sang Negros Island Region.

Duha ka mga stall sa Manokan Country ang natalana nga serbehan sang closure order sang City Legal Office sang Bacolod. Natapos na ang plaso nga ginhatag sang siudad sa duha ka mga naga renta sang stall sa Manokan Country gani kun indi subong nga adlaw, sa buas serbehan sila sang closure order sang siudad. Suno sa kay City Legal Officer Romeo Carlos Ting, Jr., wala gid may nabayad nga kantidad ang naga renta sang amo nga mga stall kag ang isa sa ila ang nagpadulong sa Bacolod City Government Center sang Biernes indi para magbayad kundi para may ayo pa gid sang extension. Samtang, may dose pa gid ka mga naga renta sang stall ang kulang pa ang bayad sa siudad.  Kalabanan sa mga rason sang mga naga renta nga pigaw ang ila nga income.  Damlag pa ginpapanaugan sang closure ord...

Nakainom nga driver nakabunggo sang taxi driver, biktima yara lang sa hood sang salakyan samtang nagadalagan sang lima ka kilometro.Driver kag pamilya sang napatay nag aregolahanay. I-release subong nga adlaw ang 22 anyos nga driver sang salakyan nga naka bunggo kag nakapatay sa 58 anyos nga taxi driver nga si Leonilo Borbon sang Sabado sang kaagahon sa dalan Araneta sa Barangay Singcang-Airport sa Bacolod City.Ini matapos ang initial nga areglohanay sang pamilya sang suspek kag sa pamilya sang biktima. Nabungguan sang salakyan sang suspek sang Sabado si Borbon nga nag tabok sa dalan gikan sa iya ginkan-an sa atubang sang Goldenfields Commercial Complex.Matapos mabungguan, nag diretso pa sa pag drive ang suspek bisan yara na naka angut ang ulo snag biktima sa iya windshield. ...

Patay ang 17 anyos nga si John Michael Joaquin matapos maka bunggo sang kahapon ang iya sini ginadala nga motorsiklo sa highway sang Barangay Salvacion sa Murcia.Pilason man ang iya 18 anyos nga angkas. Sa imbestigasyon sang PNP, nagadalagan sa opposite lane ang motor kag ang Toyota Hilux kag sang mag lab-ot sa kurbada nga bahin sang dalan, naglapaw sa pihak nga lane ang motor.Didto kag  nag bunggo ini sa nagasugata nga Hilux. Dead on arrival sa ospital ang menor de edad samtang padayon nga gina bulong ang iya angkas. Gin-detain man sa Murcia PNP ang driver sang pick-up.

Nasapwan nga nagalutaw sang Sabado ang lawas sang isa ka lalaki sa dam sang National Irrigation Administration sa Barangay Consing sa EB Magalona.Suno sa PNP, una ini nakita sang isa ka nagapamunit sang Disyembre 27. Apang  nagdumdom siya nga lawas lang ini sang sapat kag sa iya liwat pag pamunit sang Sabado natukiban nga ini ang bangkay sang na missing nga si Richard Occeña, 46 anyos. Suno sa pulis, nagpauli nga hubog sang Disyembre 26 sang gab-i si Occeña kag wala na maka lab-ot sa ila nga balay.Posible nga natumba dala sang kahulugbon suno sa pulis ang biktima kag naanod sa suba.

Dakop ang tatlo ka mga katapo sang New People's Army lakip na ang isa ka lider sang hublag sa joint operation sang Army kag PNP sang Biernes sa Barangay Cambayobo sa banwa sang Calatrava.Ang operation ang gin patigayon bilang sabat sa mga reklamo sang pumuluyo sa Sitio Pinamactinan angut sa pag pangilkil sang rebelde nga grupo sa lugar. Dakop sa operation ang commanding officer sang SYP Platoon kag secretary sang Northern Negros Front nga si alias Rigor.Si alyas Rigor ang natukiban nga may yara sang pending nga murder case kag kaso nga paglapas sa RA 10591.  Nadakop man ang iya educational staff sang NNF nga si alyas Celo kag Alyas Cristel nga medical, finance kag educational staff man sang amo nga grupo.Nakuha sa ila ang duha ka caliber 45, isa ka caliber 9mm, apat ka rifle...

Capitol/file photoSang Biernes, ang mga city director kag provincial director sa idalom sang Police Regional Office 6 nga naga lakip kay Bacolod City Director Col Thomas Joseph Martir ang nag lagda sang ila nga courtesy resignation.Suno kay  Lt. Judesses Catalogo, public information officer  sang Negros Occidental PNP, as of press time wala pa sang opisyal nga pahayag sa bahin ni Provincial Director Col Leo Pamittan.Si Pamittan suno sa iya, ang padayon nga naga hulat sang advise sang National Headquarters. Nagpanawagan si DILG Sec Benjamin Abalos, Jr sa mga high ranking PNP officials nga maghatag sang courtesy resignation kasunod sang impormasyon nga may mga high ranking nga opisyal nga may kahilabtanan sa iligal nga droga.Nagapati si Governor Eugenio Jose Lacson nga ini...

Sa ika apat nga semana sang voter’s registration, nagdangat sa masobra 6,000 ang nag apply.Sa report sang Negros Occidental Comelec, 6,023 ang kabilugan nga nag apply para voter’s registration sa 4th week.Pinaka mataas ini sandig sa record  sang Comelec-Negros Occidental, humalin sang nagsugod ang amo nga registration.Ang datus ang naga lakip na sang Bacolod City kasubong man ang sa bilog nga kabanwahanan kag siudad sa probinsya. Ang Bacolod City ang naka record sang 2,084 ka application for registration sa 4th week. Sa kabilugan, humalin December 12 tubtob January 7, 15,829 ang total application for registration.Padayon ang paghaylo sang Comelec sa publiko nga sa mas temprano mag pa rehistro na kag indi na mag hulat sang last day sang registration. Tubtob Enero 31 ang v...

Isa ka kumpanya nga naka base sa China nga naga pang himo sang electric vehicle ang magapatukod sang electric vehicle plant sa bacolod city.Ini ang dala ni Bacolod City Mayor Albee Benitez nga balita sa iya nga pagbisita sa China kaupod si Presidente Ferdinand Marcos, Jr.  Suno sa alkalde personal niya nga na istorya ang Chief Executive Officer sang Jiangsu Fengchuen New Energy Power Technology Corporation kag ini ang nagpabalo sa iya nga sa Bacolod napilian sang kumpanya magpatukod sang planta sang eletric vehicle.Bagay nga gina pasalamatan naman sang alkalde.  May mga tiglawas na ang amo nga kumpanya nga naga padulong sa Bacolod. Chinese kag Korean ang nag collaborate para sa amo nga kumpanya.  Ang ila nga gina himo nga electric vehicle ang ginahimo nga public util...

[embedyt] https://www.youtube.com/watch?v=_rrDEETJN5s[/embedyt]Ipasirad-an ang Esplanade kay ginahimo nga halayan