Ginpaidalum sa random drug test ang 225 ka mga personnel sang Philippine Coast Guard sa Negros Island Region sang Miyerkules, Hunyo 17, kung diin siyam sa ila ang nagpositibo sa pag-gamit sang iligal nga droga.
Ginsiling Commodore Christopher Auro, commander sang Coast Guard District Southern Visayas, ang personnel nga nag-positibo sa initial drug testing, ang igapaidalum sa confirmatory test. Kag kung liwat nga mag-positibo, sila ang ang magapangatubang sang administrative charges kag posible makakas sa serbisyo.
Suno sa report sang Coast Guard District Southern Visayas, igapadala sa laboratory sa Region 6 ang urine samples sang mga personnel nga nagpositibo sa initial screening para sa confirmatory testing.
Gin-administer sang Philippine Drug Enforcement Agency ang drug testing, nga kabahin sa Zero Drug Tolerance policy sang Coast Guard agud buhinan ang iligal nga droga sa sulod sang organisasyon.
Kalabanan sa mga ginpaidalum sa drug test ang na-assign sa Negros Oriental, samtang may pila nga naghalin sa Siquijor kag Negros Occidental.
May yara sang 1,137 ka coast guard personnel sa bilog nga Negros Island.*
[sibwp_form id=1]