Balita Hiligaynon

Nagsaka sa tatlo ka kaso ang fire incidents sa siudad sang Bacolod sa bug-os nga 2022 kun ikumparar sa 2021.Naka record ang Bureau of Fire Protection sa Bacolod sang 336 fire incidents nagligad nga tuig. 333 ang fire incidents sang 2021.Bulan sang Enero ang may pinakadamo nga kaso nga naglab-ot sa 53 kag ginsundan sang Pebrero nga may 47 ka mga kaso sang sunog. Bulan sang Disyembre naman ang may pinaka manubo nga na record nga fire incidents – 9.Kadam-an sa mga na record nga sunog amo ang electrical post fire, kag ginsundan sang grass fire kag residential fire.Naglab-ot man sa P9,783,750 pesos ang halit sang sunog sang 2022 suno sa BFP.

Isa ka programa ang ginpatigayon sini nga Biernes sang  Bacolod City Police Office angut sa ila pag dispose sang mga na confiscate nga mga firecrackers kag pyrotechnics tubtob sang Enero.Nag lab-ot sa masobra 50,000 pesos ang na kumpiskar nga mga palupok kag pyrotechnics gikan sa nag kalain-lain nga police station.Suno sa BCPO, ang mga ginpang confiscate amo ang mga palupok nga ginadumilian kaangay sang boga, kasubong mga palupok nga gina pang resell.Ini ang gintipon kag gin lubong sa BCPO grounds.

File photoRoad closure ipatuman sa natalana nga pagsaulog sang Bacolaodiat Festival sa Bacolod.Sa Enero 20 natalana ang Dazzling Grand Parade sa The Upper East sa liwat nga pagbukas sang Bacolaodiat Festival makaligad ang tatlo ka tuig. Gani natalana man nga ipatuman ang road closure halin sa Lopue’s East Area palapos sa Lopez Jaena Street.Ang Bacolod City Government Center kag SM City Mall kabahin man sa festival site nga sarang dagsaon sang mga tumalan-aw sa 3-day celebration.Suno kay Councilor Jason Villarosa, chairman sang Committee on Tourism sang konseho, aprobado na sang konseho ang P3 milyon nga pondo para sa tuigan nga okasyon.Ginpakamaayo naman sang siudad nga kakason na ang mga naandan nga activities sa Lacson Street bangud man sang mga reklamo sang mga negos...

Gobernador gina kalipay ang pagbalik na sang mga kapistahan pero may paandam siya sa publiko.Ang Bailes de Luces Festival sang La Castellana, kun sa diin dinapit nga bisita si Negros Occidental Governor Eugenio Jose Lacson sang kagab-i ang pang imbukada sang pag balik na sang mga kapistahan sini nga 2023.Ginakalipay sang gobernador ilabi na nga pagkatapos sang Bailes de Luces, maga balik man ang Sinulog sang Kabankalan kag Dinagsa sa Cadiz City. Pila lamang ini sa kilala nga mga kapistahan sa probinsya.Pero paandam sang gobernador indi malipat nga yara lang sa gihapon ang Covid sa palibot kag kun mahimo mag mask lang sa gihapon para mapangapinan ang kaugalingon.

[embedyt] https://www.youtube.com/watch?v=o-wP6cajB-U[/embedyt]Vaccination center sa mall temporaryo ang nag-untat operate bangud sang kakulang sang vaccinators.Nag-expire na ang contract of service sang kalabanan nga mga Covid-19 vaccinators nga naga-serbe sa vaccination center sang siudad. Rason nga temporaryo man anay nga  gin-pauntat ang pagpangbakuna sa 3rd floor sang SM City Bacolod. Ini samtang wala pa sang staff suno man kay Dr. Ana Maria Laarni Pornan, pamuno sang Emergency Operation Center kag DRRM Officer sang siudad.Bangud wala naman sang vaccination center sa mga mall, temporaryo anay nga magaserbe nga vaccination area para sa mga magapabakuna sang Covid-19 vaccine ang Room 1 sa sulod sang City Health Office compound.Magluwas sa kakulang sa vaccinators, gi...

Apat ka mga empleyado sang Office of the Provincial Agriculturist ang gin-dismiss sa serbisyo bangud sang grave misconduct.Ginserbe Hwebes sang aga ang dismissal order batuk kanday Engineer Ramelo Letran kag Rezin Palacios kag Project Development Assistant  Maria Luisa Abaño.Ang order ang gin lagdaan ni Provincial Legal Officer Alberto Nellas, Jr.,  nga nagserbe hearing officer, bilang recommending approval,  kag gin aprobahan mismo ni Governor Eugenio Jose Lacson.As of press time wala pa ma serbe ang order kay Engineer German Abihay suno kay Nellas bangud ini ang napaidalom sa preventive suspension sa separado naman nga kaso. Sila ang gin-usisa angut sa misuse of government vehicle matapos nga mag tambong sa isa ka meeting sa Victorias City sadtong July 15, 2022...

Handa nga mag resigm sa  pwesto ang director sang Bacolod City Police Office nga si Police Colonel Thomas Joseph Martir bilang pag sunod sa pag pang hangkat ni DILG Secretary Benjamin Abalos, Jr.Kahapon gin pahayag ni Abalos nga base sa ila pag usisa, ila natukiban nga may dako nga problema sa hanay sang PNP bangud sa mismo mga high ranking officials nga naga lakip sang mga colonel kag generals may mga imbolbado sa transaksyon sa iligal nga droga.Gani iya gin hangkat ang mga ini nga mag submit sang courteay resignation. Si BCPO director Martir nagsiling,  bilang good soldier, handa siya sundon ang hangkat ni Abalos para man sa kaayuhan sang tanan. Nagahulat na lang siya sang instructions angut sa pag submit sang resignation. Bwas, may conference man sila sa region suno ka...

Negrense nga si Aurelio Gerardo Valderrama, Jr., isa sa ma na absolve sa kasoGin-dismiss sang Office of the President ang mga kaso nga gin-file batuk sa mga anay katapo sang Sugar Regulatory Administration angut sa gin pa gwa nga sugar order nga naga tugot sang pag import sang 300,00 metric tons sang kalamay sadtong Agosto, 2022.Sa desisyon nga gin pa gwa gin-absolve si anay Agriculture Undersecretary Leocadio Sebastian, Adminstrator Hermenegildo Serafica sang SRA kag board members Roland Beltran kag Aurelio Gerardo Valderrama, Jr., nga humalin pa man sadto nag resign na sa ila nga mga puesto. Gina pasalamatan ni  Valderrama, ang decision nga gin pa gwa sang Malacanang. Suno sa iya Labi ang iya nga pangamuyo kag ang pag dismiss sang kaso nga Grave Misconduct, Gross Dishonesty ...

May mga departament heads nga nagahinyo nga madugangan kag ma-reinstate ang pila sa mga napahalin nga job order workers. May mga bakanta nga pulungkuan sa pila ka mga opisina sa Bacolod City Government Center makaligad sang pagpangakas sang siudad sang mga job order workers.Halin sa kapin 3,500 may 2,700 na lamang ang naga-serbe nga JO sa Bacolod sa pagsugod sang tuig 2023.Pero indi malipod nga may pila ka mga departamento ang ginakulang gihapon sang job order workers kag may mga department heads nga naga-request nga kuntani mabalik ang mga JO nga malawig na kag amo ang masaligan sa serbisyo.Ang City Legal Office Enforcement team kag DRRMO pila lang sa mga departments nga nagakinahanglan sang dugang nga personnel agud nga mangin epektibo ang ila pagserbisyo kada adlaw.Suno ...

Bag-o nga commander sang 303rd Brigade sang Philippine Army ang bukas sa local peace engagement kag initiatives.Nagapati si Col Michael Samson ang acting commander sang 303rd Brigade nga sa sini nga pamaagi mas masabat ang mga gina atubang nga issue kun ang mga inisyatibo localized.Luyag nila nga mahatagan sang kahigayunan ang peace talks. Karon nga nabakante ang liderato sang Communist Party of the Philipines kasunod sang pagtaliwan ni Jose Maria Sison, ini ang sa bentaha nila suno kay Samson.Pero, kun ang rebeldeng grupo ang sa gihapon mag gamit sang kalakasan maga patuman sang santo man nga tikang ang miltar para diri.“For those who will insist in using violence, there is no other option for us but to respond with military action. We cannot just be observers sa kanilang ...