Kapin sa 1.8 million pesos ang kabug-usan nga pondo nga ginhatag sang siudad sang Bacolod sa mga atleta nga nag pakigbahin sa Palarong Pambansa 2026 sa Agusan Del Sur.
May 12 ka gold medals nga nakuha ang mga taga Bacolod nga atleta kag tagsa ka medal ang ginbayluhan sang siudad sang 18,000 pesos.
Samtang, 15,000 pesos naman ang cash incentive sang mga nakakuha sang silver medal kag 10,000 pesos naman para sa mga bronze medalist.
Ginklaro ni Bacolod City Mayor Greg Gasataya, nga parehas nga kantidad nga ginbatun sang team sports kag individual sports kag ila mga coaches. Buot silingon, ang secondary volleyball girls sang NIR nga nakakuha sang silver medal, ang nakabaton man sang tig-15, 000 pesos kada isa.
Nakuha sang first-timer nga 12 anyos nga grade 6 student nga si Sofia Ysabella Secuelan ang tatlo ka gold medal sa swimming.
Bangud sini, 54,000 pesos ang kabug-usan nga cash incentives nga iya ginpuli kag amo man sini ang nakuha sang iya coach.
Samtang, naghatag man sang 1,000 pesos ang siudad para sa mga atleta kag coaches nga napaslawan sa amo nga kompetisyon.
Suno sa alkalde, nagakaangay lamang nga pasidunggan ang mga atleta nga nagdala sang dunggog sa siudad, ilabi na nga nagatuyo ang siudad nga mapalambo ang sports tourism sa Bacolod City.*
[sibwp_form id=1]