Balita Hiligaynon

Nag-file na sang motion for reconsideration sa Civil Service Commission ang probinsya sang Negros Occidental angut sa kaso sang anay NOCHP head kasunod sang pag panubo sang penalty nga ginpapanaog sa natungdan.Ginsiling ni Provincial Administrator Rayfrando Diaz nga sang nagligad nga semana nag file sang MR ang probinsya, antes mag tapos ang reglementary period.Paathag ni Diaz, ginpahayag ni Governor Eugenio Jose Lacson nga nagakaigo nga mag-file sang MR para man makita sang CSC kun ngaa nagdangat sa dismissal sa serbisyo ang pamatbat sang probinsya kay anay NOCHP head kag assistant provincial Administrator Mina Pellejo.Sa desisyon nga ginpapanaog sang CSC sadtong Enero 5, gin modify sini ang desisyon ni Lacson. Tigaylo nga dismissal suno sa CSC guilty sa Simple Neglect of ...

Gin pasa-pasahan sa social media ang video kag litrato sang isa ka motorcycle rider nga nag ala superman samtang naga dala sang motorsiklo sa banwa sang Don Salvador Benedicto tubtob nga nakalab-ot ini sa igtalupangod sang Land Transportation Officer Negros Island Region.Sa post sang LTO-NIR ginsiling sang ahensya nga makita sa video kag pictures nga naga hapa sa iya motor ang driver samtang nagadalagan ang motor kag sa iya ginahimo indi lang ang iya kaugalingon ang ginabutang niya sa delikado nga sitwasyon kundi pati ang iban nga motorista, pasahero kag pedestrian.Ginapanawagan ang driver nga magsungka sa LTO dala ang iya nga motor para sa imbestigasyon. Kun mapaslawan ang driver, dagdagan siya sang show cause order kag magahimo ang ahensya sang legal nga tikang kag administrative...

14 ka mga pamilya nga may himata sa Middle East nagapangayo bulig sa Bacolod City hotline kag help desk bangud indi nila ma contact ang ila nga mga himata sa Middle East kasunod sang kinagamo karon didtoNagbutang ang siudad sang amo nga talatapan kasunod sang pag atake sang Israel kag US sa Iran nga nagresulta man sa pagbalos sang Iran sa mga pungsod nga may military base sang Estado Unidos.Ginsiling ni Mayor Greg Gasataya nga madamo sang Bacolodnon ang naga-obra sa Middle East, rason nga ginpatukod ang hotline kag help desk agud mabuligan ang mga OFW nga nagaka-apektohan sang konplikto.Sa record sang help desk kaina sang aga, may mga pamilya ang personal nga nagpadulong sa ila talatapan samtang ang iban naman nga nagpangayo sang bulig pinaagi sa ila hotline.Ang ila nga mga...

Nakit-an sang iya utod nga babaye ang biktima nga nagahigda sa duta kag may igo sang bala sa ulo sa gwa sang balay sa Sitio Lumanab, Barangay Dian-ay sa Escalante City, Huwebes sang aga.Nag-gwa sa imbestigasyon sang pulis nga gintiro sang mga suspek sa gwa sang iya balay ang 42-anyos nga lalaki sa ulo kag sa lawas nga nangin rason sang iya kamatayon.Narekober sa crime scene ang walo ka empty shells sang .45 caliber nga pusil.Sa statement ni Ka Cecil Estrella, spokesperson sang Roselyn Jean Pelle Command-New People's Army, Northern Negros Guerrilla Front, ila gin-ako ang pagpatay kay alyas “Bigboy”.Suno sa NPA, miyembro sang gun-for-hire si “Bigboy”, siya ang responsable sa pagpangawat sang mga kasapatan kag may kaso man siya nga pagpatay sang isa ka mangunguma pila na ka tuig ang n...

Ang football pitch plano nga ipatukod sang siudad sang Bacolod sa oval sang Bacolod City National Highschool.Ginsiling ni Engr. Loben Ceballos, pamuno sang City Engineering Office, isa ka international Association Football Federation-standard nga football pitch ang ipatukod sang siudad.Ang amo nga pitch may ara sang artificial turf, artifical grass kag may apat ka tig 25 meters nga suga, kaangay sa mga pitch sa iban nga pungsod.Nagpa-in ang siudad sang 50 million pesos agud nga tigayon na nga mapatukod ang amo nga proyekto.San Igmedio Builders ang contractor sang amo nga proyekto. Ginahulat nalang sa karon sang siudad ang Notice to Proceed.Ginsiling ni Mayor Greg Gasataya nga ini ang mangin isa ka dako nga sporting venue sa siudad. Natalana ang ground breaking sa masunod nga sema...

10 minutos nga nag buga sang abo ang bulkan Kanlaon Biyernes sang aga.Suno sa Philippine Institute of Volcanology and Seismology 9:43 tubtob 10:53 kaina sang aga nag buga sang abo ang bulkan Kanlaon. Ang plume nga grayish ang nagsaka tubtob sa 1,000 meters sa ibabaw sang crater sang bulkan kag ini ang padulong sa Sur nga bahin.Sa pihak nga bahin padayon ang maid-id nga monitoring sa bulkan. Suno kay Mari-Andylene Quintia ang resident volcanologist nga nabase sa La Carlota Kanlaon Observatory, sa karon naga pabilin sa alert level 2 ang bulkan. Gina tutukan ang parameters kun kinahanglan nga ipasaka sa Alert Level 2 ang status sang bulkan.7:04 Hwebes sang gab-i sang na record ang moderately explosive nga eruption sang bulkan. Duha ka minutos ini nga nag lawig.Mga pyroclas...

Temporaryo nga nag-untat ang operations sang Bago City Hall of Justice matapos makabaton ang ko pila ka mga empleyado sang bomb threat, paagi sa Messenger sang Miyerkules.Nagpatigayon sang panel inspection ang Explosive Ordnance Disposal team sa pasilidad kag wala sang may nakita nga bomba.Sa karon, balik normal operations na ang Hall of Justice sang Bago.Samtang, ginpa-untat man ang klase, ginpang-evacuate ang mga manunodlo kag estudyante, kag gin-cordon ang campus sang Mabini National High School sa Escalante City matapos makabaton sang bomb threat paagi sa text message ang principal gikan sa wala pa makilal-an nga persona, nga may yara sang bomba sa buildings sang Grade 9 kag 10, sang Hwebes.Sa bulig sang Coast Guard Escalante Canine Unit kag Negros Occidental Provincial Mobile ...

Ginpanawagan sang siudad sang Bacolod nga mas mangin hugot ang mga pet owners sa pagbantay sang ila mga hinuptanan agud malikawan ini nga mangagat.Una na nga ginsiling ni Dr. Janine Sarthou, Assistant City Veterinarian nga ang bisan sin-o nga nagapakaon sa mga layaw nga ido sa dalan ang makabig na nga tag-iya sang mga ini.Suno kay Atty. Mark Steven Mayo, City Administrator, madamo pa sang layaw nga ido, apang prayoridad nila subong ang pagdakop sa mga agresibo ukon nagapangat nga mga ido malapit sa mga buluthuan kag dowtown area.Sa sulod sang duha ka bulan, may ara na sang 139 ka mga stray dogs ang na-rescue sang siudad.Dugang pa niya, indi tanan nga layaw nga ido ang sarang nila nga ma-rescue bangud puno na ang dog pound sang siudad.Sa karon, nagapadayon ang City Veterinary Offi...

Kun mag desisyon gid man ang probinsya para sa small scale bulk water project, mahimo nga tatlo na lamang ka mga local government unit ang ma serbehan sini.Ini suno kay Negros Occidental Governor Eugenio Jose Lacson nga nag siling nga kun sila ang mag kuha sang tubig gikan sa Malogo River ang project ang maga serbe sang kinahanglanon nga tubig sang EB Magalona, Victorias City kag Manapla.Ang gina lantaw karon sang probinsya kasunod sang pag kapaslaw sini nga makuha ang RONO ukon resolution of no objection gikan sa Silay SP amo nga i-scrap ang bilog nga proyekto kon mag padayon sa small scale na lamang.Ginabaton kag gina respeto sang gobernador ang desisyon sang Silay SP para kuntani sa P1.1 billion bulk water project sini kun sa diin luyag kuntani sang probinsya nga mag kuh...

Isa naman ka road crash ang nagluntad kag imbulbado ang Mitsubishi Xpander kag delivery van sa highway sang Himamaylan City, Hwebes sang gab-i.Nag-gwa sa imbestigasyon sang PNP nga pareho gikan sa Kabankalan City ang duha ka mga salakyan sang sila ang magbungguanay paglab-ot sa Crossing Buhi-an, Barangay To-oy.Bangud sang impact, nagbunggo ang mini SUV sa steel barrier kag nagdiretso sa katubohan. Wasak ang atubang kag kilid sang salakyan.Samtang ang delivery van ang nagbunggo man sa pihak nga steel barrier.Maswerte kag minor injuries lamang ang naangkon sang mga sakay.Suno sa pulis, wala na nagparekord ang magtimbang nga bahin kag may yara na sila sang initial settlement.*