Balita Hiligaynon

Ginpasiguro sang Bacolod City nga safe ang tanan nga mga public schools lakip na ang billeting areas matapos nga mabatyagan kagab-i sa siudad ang intentisity 2 nga pagtay-og tuga sang magnitude 4.8 nga linog sa iloilo.Ginsiling ni Atty. Mark Steven Mayo, ang city administrator nga gilayon nga nagpatigayon kagab-i ang City Engineer’s Office kag City Disaster Risk Reduction Management Office sang rapid damage assessment and needs analysis agud sigurohon nga safe ang mga billeting areas nga tineran sang mga atleta nga nagapakigbahin sa Negros Island Region Athletics Association Meet.Wala sang major damage nga nakit-an sa 12 ka mga billeting areas nga nahamtang sa siudad.Ginklaro naman ni RJ Paglumotan, ang spokesperson sang DepEd Division of Bacolod nga wala sang may na-cancel nga mga h...

Handa nga maghatag sang bulig pinansyal ang siudad sang Bacolod sa mga pumuluyo sini nga Overseas Filipino Workers nga nagatrabaho sa Middle East kun mag mando na ang gobyerno nasyonal sang mandatory repatriation.Ini angut sa nagapadayon nga kinagamo sa tunga sang Israel kaupod ang Estados Unidos kag sang Iran.Ginsiling sang City Administrator nga si Atty. Mark Steven Mayo nga nagdangat na sa 30 tubtob 40 ka mga inquiries ang nabaton sang hotline kag help desk nga ginpahamtang sang siudad para sa may mga kabudlayan mag kontak sa ila mga himata sa Middle East.Suno sa iya, 90 porsyento sa mga nagtawag kag nagpadulong sa ila talatapan ang nagapangayo sang bulig pinansyal agud i-plete sang ila himata pauli sa siudad kon maglala na gid ang sitwasyon didto.May ara man mga OFW nga nagtawa...

Gobernador sang probinsya ang naga laum nga kuntani indi na mag lala pa gid ang sitwasyon sa Middle East kasunod sang pag pamomba sang US kag Israel sa Iran.Suno kay Governor Eugenio Jose Lacson, indi maayo ang sitwasyon pero wala siya naga dula sang paglaum.Isa sa una na apektuhan sang konplikto ang presyo sang gatong. Sa una nga adlaw sang trading sini nga semana kasunod sang gamo sa Middle East halos napulo ka pesos ang saka sa presyo sang diesel, masobra naman sa P10 ang saka sa kerosene kag masobra sa P4 ang sa gasolina.Ang shipping sa Strait of Hormuz nga nagaserbe nga alagyan sang one-fifth sang gatong nga ginakonsumo sa bilog nga kalibutan ang halos wala na naga giho sa tunga sang pag pang atake sang Iran sa mga oil tankers sa region.Suno kay Lacson kuntani indi na magdanga...

Dead on arrival sa ospital ang isa ka lalaki matapos ginlabo sang iya man lang kaingod balay sa Purok Mainuswagon, Barangay Sagasa sa Bago City, Domingo sang gab-i.Ang ginhalinan sang inaway amo ang kaldero nga duha na ka semana nga ginapangita sang suspek kag iya nakit-an nga ginagamit sang biktima samtang siya ang naga-inom-inom upod ang duha niya ka mga abyan sa isa ka balay.Ginsiling ni Police Lt. Col. James Latayon, hepe sang Bago PNP, matapos naglalisay ang suspek kag biktima, sila ang nagpauli sa ila tagsa ka balay kag pareho sila nga nagkuha sang patalom.Ginlabo sa guya sang 25-anyos nga suspek ang 54-anyos nga biktima, gamit ang binangon, antes siya ang nalagyo.*

Nalapakan sang truck ang isa ka driver sa parking lot sang Binalbagan Isabela Sugar Company ukon BISCOM sa Barangay Progreso, banwa sang Binalbagan, Domingo sang kaagahon.Nag-gwa sa imbestigasyon sang pulis nga naga maniobra ang truck halin sa parking area padulong sa dumping site agud kuntani magdiskarga sang tubo, sang malapakan ang 49-anyos nga biktima.Ginsiling ni Police Captain Joelan Vinson, hepe sang Binalbagan PNP, wala madeparahan sang 51-anyos nga driver sang truck ang lalaki, nga isa man ka truck driver kag may gindul-ong nga tubo.Temporaryo nga gin-detain sa custodial facility sang Binalbagan Police Station ang nakalapak nga driver.Suno kay Vinson, nagpasalig ang tag-iya sang truck nga magahatag siya sang bulig sa pamilya sang napatay.*

Kuryente ang ginatudlo nga ginhalinan sang sunog sa Barangay 39 sa Bacolod sang nagligad nga semana.Naglab-ot sa 112 ka mga balay tanan ang nahalitan.Ginsiling ni Fire Inspector Jemarie Tapiru, ang deputy fire marshall sang Bacolod BFP, nga nagsugod ang kalayo sa isa ka boarding house nga ginapanig-iyahan ni Renelyn Roderos.Sa ila imbestigasyon, may buho ang sin sang storage room sang amo nga boarding house kag ginpalusot diri ang isa ka electrical wire.Sang nagkusog ang hangin, posible nga nagisi ini kag amo ang gintuna-an sang pagsigrab kag pagkalayo. Suno pa kay Tapiru 103 tanan ka mga balay ang totally destroyed samtang siyam naman ang partially damaged.Sa record sang Department of Social Services and Development sang siudad, masobra sa 800 ka mga indibidwal ang apektado. Lak...

Gindakup sang katapo sang Criminal Investigation and Detection Group upod ang partner agencies sa idalum sang Oplan Kalikasan ang walo ka mga Pinoy kag isa ka Chinese national bangud sang illegal mining sa Zone 10, Barangay Bacuyangan, banwa sang Hinoba-an, Negros Occidental.Nakumpiskar sa lugar ang mga heavy equipment lakip na ang duha ka mga backhoes, tatlo ka 10-wheeler dump trucks, vibrating screen machine, duha ka box nga may unod nga mga botelya sang mercury, kag isa ka automatic generator set control panel, tanan nagabalor sang P17.5 Million.Base sa report, may narekober man nga 52 ka bala sang caliber 5.56 mm, 23 ka bala sang caliber .45, isa ka firearm case, kag isa ka Toyota Hilux nga salakyan.Ginpatigayon ang operasyon bangud sang reklamo nga may yara sang indi otorisado n...

Yara sa 40 degrees celsius ang forecasted heat index subong nga adlaw para sa Negros Occidental base sa gin-release sang PAGASA. 41 degrees naman ang forecast para sa bwas, March 3.Ang forecasted heat index humalin 33 degrees celsius tubtob 41 degrees celsius ang na classify base sa epekto sini sa idalom sang extreme caution.Nagakasayuran nga mahimo ukon posible magbatyag sang heat cramps kag heat exhaustion.Ang padayon nga activity sa kainitan ang sarang nga maka tuga sang heat stroke.Sa opening sang Negros Island Region Athletics Association Meet Domingo sang hapon may 50 tubtob 60 ka mga athletes kag performers ang nag lain ang pamatyag bangud sang kainiton.Suno kay Almyr Caezar Dequiña ang spokesperson, ini sila ang gilayon nga nahatagan sang pagtatap kag karon naka entra na ...

Gin anunsyo na sang mga petroleum companies nga P1.20 ang isaka sa kada litro sang diesel, P1.50 sa kerosene kag P1.90 naman sa gasoline.Humalin sang bulan sang Enero naga sige lang saka ang bili sang produkto petrolyo bangud sang tension sa Middle East pero subong nga nag sugod na ang gamo ginakakulbaan ang pagtimbuok sa presyo sini.Suno sa kay Department of Energy Secretary Sharon Garin, indi man dali-dali mag timbuok ang presyo sang krudo kag gasoline kay may yara sang regulasyon sa Pilipinas nga dapat may yara ang oil companies sang stock sang finished oil products nga para sa 15 ka adlaw.Ini ang produkto petrolyo nga ginarekta na tughong sa mga salakyan kag 30 diyas naman para sa crude nga amo naman ang ginagamit sang Petron.Buot silingon nga indi basta-basta mawad-an ...

Ginbuksan na kahapon sang Department of Education ang kompetisyon. Masobra sa 10,000 ka mga atleta kag coaches ang nagpakigbahin sa opening ceremony.Sa una nga adlaw, nakuha sang Bacolod City ang duha ka gold medals para sa secondary level nga long jump event.Nakuha ni Gem Mark Flores ang una nga medalya sang Bacolod sa secondary men’s category samtang si Aliah Bree Diocson sa women’s category.Ang duha lunsay mga estudyante sang Romanito Maravilla National High School sa Barangay Estefania.Gold man ang nakuha ni Rajib Ash Catenza sang Rodolfo Medel Sr. Elementary School sa Barangay Tangub para sa 110 meters hurdles sa elementary level.Nakuha naman ni Lorraine Ann Bayking sang Dumaguete City ang kampyonato sa girls elementary level nga shot put samtang sa lalaki, si Rail...