Balita Hiligaynon

Nag untat na ang pag-usmod sang duta sa Sitio Bairan sa Brgy Gen Luna sa Toboso, pero, sa kaiping nga sitio may nakit-an man nga pag-usmod sang duta.11 feet kag 5 inches ang kabilugan nga gin-usmod sang duta sa Sitio Bairan. Ini suno kay Municipal Disaster Risk Reduction Officer sang Toboso, Engr Hospicio Carbajosa, Jr.Humalin Pebrero 18 nag-record sila sang 11 feet and 5 inches nga pag ka usmod. Pag check nila sang kahapon, wala na ini nadugangan pa.Ang mga crack naman sa ibabaw nga bahin ang namutikan daw nag daku kag kasubong nga may yara sang soil erosion.Suno kay Carbajosa nag-untat na ang pag ulan nga mahimo isa man sa kabangdanan sang pag usmod sang duta.Sa ika duha nga semana sang Marso magabalik ang Mines and Geosciences Bureau dala ang ila nga equipment para m...

Ginpangita sang Department of Social Services and Development sang Bacolod City ang tatlo ka mga menor de edad nga gina-alegar nagapanghaboy sang bato sa dalan Lacson.Sandig sa mga reklamo nga gindulog sa DSSD, ang mga menor de edad ang naga istar sa babaw sang waiting shed sa atubang sang isa ka hotel sa Lacson Street.Ginsiling ni Anjanette Servano, pamuno sang DSSD Anti-Mendicancy Division sarang nga ipahamtang sa government facility ang tatlo ka mga kabataan kun mapamatud-an nga wala sang ikasarang ang ila ginikanan sa pag atipan sa ila.Ginklaro man niya nga base sa panaysayon sang kabataan indi matuod nga nagapanghaboy sila sang bato. May isa kuno ka persona nga legal na ang pang edaron nga naga upod sa ila nga amo ang naga panghaboy.Matapos nga gin-istorya sang DSSD an...

Ginhatagan sang Bacolod City Legal Office sang 10-working day notice ang 47 ka mga baligyaan nga nahamtang sa palibot sang Bacolod City Government Center agud maghalin sa ila pwesto.Ini bangud wala sila sang may ginakaptan nga permit gikan sa siudad kag nagalapas ini sa deed of donation nga ginpirmahan sang siudad kag sang donor sang duta nga ginatindugan sang government center.Ginsiling ni Atty. Mark Mayo, ang City Administrator, wala man nagapamatok ang mga vendors sa amo nga notice, apang nagahingyo ang mga ini nga kon pwede sila mapangitaan sang iban nga pwesto.Matapos nga naghatag sang formal letter ang mga vendors, ipasaka ini sang siudad sa Sanguniang Panlungsod agud maistoryahan kon posible sila nga mahatagan pa sang special permit ukon mapangitaan sang alternatibo nga ...

Ang Sugar Regulatory Administration ang nag commit nga sila ang maga issue sang Sugar Order para ma-regulate ang pag sulod sang sugar substitutes kag artificial sweeteners.Ini sa gin patigayon nga House Committee on Agriculture and Food Hearing sang Miyerkules.Ginsiling ni 5th District Rep Emilio “Dino” Yulo ang kadamuon kag ang variety sang artificial sweeteners nga yara sa market sa karon ang indi lamang high-fructose corn syrup kag mga premix kundi mas nagdamo na gid. Suno sa iya ang mga sweetners kaangay sang sucralose, aspartame kag saccharin ang dapat ma-regulate bangud ang mga local farmers ang apektado sa kada pagsulod sini nga mga produkto sa pungsod.Gin patigayon ang hearing para mapamatian ang concerns sang nag kalain-lain nga sektor kag mga ahensya angut sa sitwasyo...

File/ DepEd Tayo San Carlos City NIRGobernador sang Negros Occidental ang naga paabot nga mangin madinalag-on ang mga players sang probinsya sa labing nahauna nga Negros Island Region Athletics Association Meet ukon NIRAAM.Nagalaum si Governor Eugenio Jose Lacson nga pagkatapos sang NIRAAM, kalabanan sa maga tiglawas sang NIR sa Palarong Pambansa ang maga gikan ayhan sa Bacolod ukon sa nagkalain lain nga mga lugar sa Negros Occidental.Pahanumdom ni Lacson nga indi lamang para mag compete ang mga players kundi malakip sa ila nga tinutuyo ang mag daog.Ang probinsya ang nag bulig sa uniform kasubong man sa training sang mga atleta.March 1 to 7 ang NIRAAM sa Bacolod.*

Isa ka incumbent barangay kagawad sang Isabela ang nadakpan sa ginpatigayon nga drug buy-bust operation sa New Stockyard, Barangay 1 sa banwa sang Moises Padilla.Ginsiling ni Police Major Ryan Villasario, hepe sang Moises Padilla PNP, nga si alyas “Lymel”, 41-anyos, ang ginakabig nga High Value Individual kag yara sa listahan sang Barangay Anti-Drug Abuse Council ukon BADAC sang Brgy. 6 sa banwa sang Isabela.Isa man ka drug surrenderer ang kagawad sang siya ang wala pa sa pwesto.Nakuha sa kagawad ang apat ka gramos sang ginasuspetsuhan shabu nga nagabalor P27,200.Suno kay Villasario, mga isa man ka bulan ang ila surveillance sa kagawad nga naga-commission sang mga baboy kag iban pa nga kasapatan sa New Stockyard.Detained karon sa custodial facility sang Moises Padilla P...

Nagresulta sa pagka-diskubre sang marijuana sa sulod sang isa ka parcel ang ginpatigayon nga K9 inspection sa isa ka courier warehouse sa Barangay Junob, Dumaguete City.Narekober sang katapo sang Seaport Interdiction Unit sang Philippine Drug Enforcement Agency ang isa ka transparent vacuum-sealed plastic nga may unod nga 50 grams sang suspected dried marijuana bricks kag isa pa gid ka plastic nga may unod nga 30 grams dried marijuana leaves.Magluwas sini, may nakuha man nga isa ka glass tube, isa ka sticker nga may nakasulat nga “WIZK HIGHDOL” kag ang plastic packaging.Padayon karon ang imbestigasyon agud makilal-an ang sender kag recipient sang nasambit nga parcel. Siya ang posible kasohan sang pagsupak sa Republic Act 9165 ukon Comprehensive Dangerous Drugs Act of 2002.*

Dead on arrival sa ospital ang 45-anyos nga lalaki matapos matiruhan sa Verbena Street, Barangay 30 sa Bacolod City, Miyerkules sang gab-i, Pebrero 25, 2026.Igo sang bala sa liog ang naangkon ni alyas "Harold", residente sang Brgy. 30.Suno sa mga residente sa lugar, nakabati sila sang isa ka lupok sang pusil, antes nakit-an ang lawas sang biktima.Nag-gwa sa imbestigasyon nga nagadala sang iya trisikad ang biktima sang siya ang gintiro.Ginsiling ni Police Captain Peter John Ramos, hepe sang Station 6 nga madamo sang naka-away ukon kontra ang ginpatay.Suno sa hepe, may yara na sila sang isa ka "person of interest" nga posible nagpatay sa biktima.Narekober sa crime scene ang isa ka empty shell, isa ka deformed slug kag isa ka sundang.*

Nagapadayon ang pagpangita sang Negros Oriental Police Provincial Office sa lalaki nga naglaslas sang liog sang isa ka babaye sa Purok Sawali, Barangay Sacsac, Bacong, Negros Oriental.Ang biktima nga ginkilala kay alias Amy ang nagalakat papauli halin sa tiangge sang gulpi lang nga gin atake sang suspek kag ginlaslas ang iya liog gamit ang wala pa mahibaluan nga armas.Sa report sang PNP, ang biktima ang gilayon nga gindala sa ospital sa Dumaguete City pero patay na ini pag abot sa ospital.*

Ginbaton sang siudad sang Bacolod sang Martes ang 500 ka mga tablets nga ginhatag sang Philippine Amusement and Gaming Corporation. Ang mga tablets ang tuyo sang siudad nga ibutang sa ginaplano sini nga Mobile Learning Center ukon Mobile Library. Ginsiling ni Mayor Greg Gasataya nga imbis nga ipanagtag sa pila lang ka estudyante ang amo nga mga tablet, igabutang na lang ini sa mobile library agud mas madamo nga estudyante ang makapulos. Ang amo nga mobile library ang plano nga itukod sang siudad kaupod sang Department of Education sa masunod nga school year. Kun tigayon na nga malunsar ang mobile library, magalibot ini sa mga buluthuan sa siudad agud magpahulam sang ila mga gamit lakip na ang mga tablets.