Balita Hiligaynon

Masobra na sa katunga ang na-release nga assistance para sa nga apektado sang Bagyo Tino sa idalom sang emergency cash transfer program sang DSWD.As of March 2, masobra sa 574 million pesos ang na release paagi sa ECT payout.85,990 ka beneficiaries nga na igo sang bagyo Tino gikan sa Hinigaran, Isabela, La Castellana, Himamaylan, La Carlota kag Canlaon ang naka baton.Suno kay DSWD Regional Director Arwin Razo, padayon pa ang payout sa Bago City kag Pulupandan. Naka schedule man sila sa Binalbagan kag Moises Padilla kag Pontevedra sini nga semana.https://youtu.be/3dqTMWqDv98Target nila nga mahuman sa tunga-tunga sang bulan sang Marso para maka sugod naman sila sa releasing sang social pension para sa mga senior citizen.“We have an ongoing payout subong sa Bago City...

May pito na ka mga himata sang Negrense Overseas Filipino Workers nga yara sa Middle East ang nag pakig-angut sa help desk sang probinsya. Samtang, OFW nga na-stranded sa Hong Kong ang maga pauli na sa probinsya karon nga adlaw.Suno kay Provincial Administrator Rayfrando Diaz, sa pito tatlo ang nag palab-ot nga luyag sang OFW nga natungdan nga magpauli ukon ma repatriate.Duha ang naga trabaho sa Kuwait kag isa sa Saudi Arabia. Duha ang taga Pulupandan kag ang isa sa Himamaylan City.Ginpatuhoy na ini sang PESO sa Overseas Workers Welfare Administration para ma facilitate.Samtang, ang taga Isabela nga maga trabaho kuntani sa Riyadh, pero sa Hong Kong pa lamang na cancel na ang ila nga flight ang gina paabot subong nga adlaw makapauli sa probinsya.https://youtu.be/CfLrRal...

Nagalaum si Mayor Greg Gasataya nga makuha sang Bacolod ang pinaka-una nga kampyonato sa nagapadayon nga Negros Island Region Athletic Association Meet.Ini bangud nga nagapanguna sa gihapon ang siudad sa overall medal tally sang NIRAAM.Sa official website sang NIRAAM, as of 4 pm may ara na sang 117 ka mga medalya ang siudad. Lakip diri ang 61 ka gold, 34 ka silver, kag 22 ka bronze medals.Ginasundan ini sa gihapon sang Negros Occidental nga may 33 ka gold medal, 56 ka silver kag 37 ka bronze.Kalabanan sa mga natapos na nga sports amo ang gymnastics, athletics, archery, kag martial arts.Ginpabugal man ni Gasataya ang mga tiglawas sang Bacolod bangud sa ila ginapakita nga performance sa tanan nga mga sporting events.Dugang sini, ang pag-host sang sini nga kompetisyon ang nagahata...

"Stay Hydrated." Ini ang pahanumdom ni Negros Occidental Governor Eugenio Bong Lacson sa publiko subong nga tuman ka init sang panahon.‎Base sa Highest Forecasted Heat Index sang PAGASA subong nga Martes, 40 degrees Celsius ang Negros Occidental."Extreme Caution" ang classification sini sang PAGASA. Posible ang mga "heat cramps" kag "heat exhaustion". Posible man ini nga magresulta sa heat stroke.Gani panugyan ni Lacson, likawan nga magbulad sa init ilabi na sa mga oras nga nagatagiti ang adlaw.‎‎Dugang pa niiya, dapat nga mangin "conscious" ang publiko sa posible malain nga epekto sang mainit nga panahon sa ikaayong lawas.‎‎Samtang, bwas nga adlaw, Marso 4, gin-forecast sang PAGASA nga yara sa 39°c ang highest heat Index sa probinsya.*

Sandig sa official medal tally sang Negros Island Region Athletics Association Meet as of 4 pm, Bacolod City ang may pinakamadamo nga medalya samtang ginasundan naman ini sang probinsya sang Negros Occidental.May ara na sang 63 ka mga medalya ang siudad nga ginalakipan sang 31 ka gold, 19 ka silver, kag 13 ka bronze medals.Samtang ang probinsya may ara man sa 57 ka medalya nga may 14 ka gold, 26 ka silver, kag 17 ka bronze.Lunsay mga individual sports pa lamang kaangay sang athletics, archery, kag gymnastics ang nadala sa amo nga tally.Sa paragames, nagapanguna sa gihapon ang probinsya nga may siyam ka gold medals. Ginasundan man ini sang Bacolod nga may anom.Ginkalipay ni Negros Occidental Governor Eugenio Jose Lacson ang amo nga partial results bangud suno sa iya nagapanguna an...

Nagpangayo sang bulig sa ila tupad-balay ang 37-anyos nga babaye matapos ginbuno sang iya Amerikano nga bana sa ila apartment sa Barangay 5, Sipalay City, sang Domingo sang kaagahon.Nakaangkon sang mga buno sa iya tiyan kag guya ang biktima nga si alyas “Gina”. Siya ang gindala sa Sipalay City Infirmary apang gilayon man nga gin-refer sa ospital sa Bacolod City agud magpaidalum sa surgery.Samtang, gindakup ang suspek nga si alyas “Carl”, 47-anyos, taga North Philadelphia sa Estados Unidos. Detained siya karon sa Sipalay PNP.Nag-gwa sa imbestigasyon nga nag-abot nga hubog kag akig ang suspek sa ila apartment. Nagkuha siya sang sundang kag ginbuno ang biktima.Pagpangimon ang ginalantaw motibo sa krimen. Suno sa ila kaingod-balay, may indi pag-intyendihanay ang mag-asawa humalin pa sa...

Nagamaneho sang iya trisikad nga ginagamit sa pagpang-scrap ang 88-anyos nga lalaki sang siya ang nabungguan sang pickup truck sa banwa sang Pontevedra, Lunes sang gab-i.Nagluntad ang insidente sa national highway nga sakop sang Barangay Recreo sa Pontevedra.Nag-gwa sa imbestigasyon nga gikan sur kag padulong norte ang pickup truck nga ginamaneho sang isa ka negosyante nga lalaki, 38-anyos, taga Kabankalan City.Nagsungka ang driver sa Pontevedra PNP kag sini nga hapon, may pag-istoryahanay na sa tunga sang driver kag pamilya sang tigulang nga nabungguan.*

Patay ang isa ka hold-up suspect samtang nadakpan naman ang iya upod matapos nang-holdup sang 74-anyos nga taxi driver sa Roxas Street, Barangay 40 sa Bacolod City, Lunes sang gab-i.Ginkilala ang napatay, base sa ID cards nga narekober, bilang si alyas “Ferdinand”, isa ka truck driver kag residente sang Brgy. 28 sa Bacolod.Ang gindakup amo si alyas “Benjie”, 31-anyos, isa ka pahinante kag taga Calatrava.Nagsakay ang duha sa taxi nga ginamaneho ni alyas “Gil” halin sa downtown kag paglab-ot malapit sa Lupit Church, sila ang nagdeklarar sang hold-up, gamit ang patalom kag pusil.Natabu-an nga may naga-patrol nga mga pulis kag nagsinggit kag nagpangayo sang tabang ang taxi driver.Naglagsanay kag nagbato ang mga suspek. Ang isa sa ila, ginbuno ang pulis, rason nga gintiro siya sang pu...

Patay ang amay, iloy kag bata sang mabungguan ang ila ginasakyan nga motor sang isa ka truck sa may national highway, sang Barangay Mambaid, Jimalalud, Negros Oriental, Domingo sang aga.Ang truck nga nay karga nga mga isda ang padulong sa Guihulngan City. Sa kakusog sang impact nagdasok ang 32 anyos nga amay sa windshield sang truck. Naglabog naman ang iya 25 anyos nga misis kag apat ka tuig nga bata.Nadala pa sa Jimalalud Rural Health Unit ang amay apang gideklarar ini nga dead on arrival.Gindala naman sa La Libertad Infirmary Hospital ang iya asawa kag anak pero napatay man sila.Gin-detain sa Jimalalud PNP ang driver sang truck.*

Ginalauman sini nga Marso masugdan na ang site preparation para tigayon na maka set-up sang modular shelter tents para sa yadtong sakop sang 4km permanent danger zone sang bulkan Kanlaon.Tigayon na nga na donate sang Negros Occidental ang 8.6 hectares nga duta sa Brgy Talaptap sa La Castellana nga maga serbe nga relocation site sang mga na-displace bangud sang bulkan Kanlaon kasubong man site para sa Regional Evacuation Center.Suno kay Donato Sermeno, III, ang regional Director sang Office of the Civil Defense NIR, naga paabot sila nga masugdan na ang preparasyon sa duta para man makapahamtang na ang Department of Human Settlements and Urban Development sang modular shelter tents para sa yadtong gikan sa 4km permanent danger zone kag padayon subong nga naga istar sa evacuation centers....