Balita Hiligaynon

Paagi sa Bacolod City Help Desk, nakig-angut na ang siudad sa pamilya sang isa ka Bacolodnon nga Overseas Filipino Worker sa Bahrain nga naghinyo nga makapauli na.Ginsiling ni Mayor Greg Gasataya nga ang amo nga OFW ang natalana na makapauli sa siudad. Ginahulat nalang sang pamilya ang schedule sang repatriation gikan sa Department of Migrant Workers.Suno kay Gasataya, may yara pa sang kabudlayan sa repatriation bangud sa nagapadayon nga gamo sa Middle East, apang ginasiguro man sang siudad nga padayon sila makig-angot sa DMW tubtob nga makapauli na ang OFW.Paagi sa isa ka Facebook post, gin istorya sang isa man ka OFW nga yara sa Qatar ang kahimtangan sang iya abyan nga yara sa Bahrain nga gusto na magpauli.Suno sa amo nga post, may cancer ang OFW kag gusto na sini makapauli bangu...

Ginapa-validate na sang siudad sang Bacolod ang listahan sang mga Public Utility Jeepney kag tricycle drivers sa siudad agud matun-an ang posibilidad nga mahatagan sila sang dugang nga fuel subsidy gikan sa lokal nga panguluhan.Ginsiling ni Mayor Greg Gasataya nga may ara na sang pondo nga ginpa-in ang gobyerno nasyonal para sa mga public transportation drivers, apang luyag man sang siudad nga maghatag pagid sang separado nga pondo para sa mga drivers sa Bacolod.Apang, pagklaro sang alkalde, depende ini sa gihapon sa availability sang pondo.Ginahaylo sang alkalde ang Land Transportation Franchising and Regulatory Board kag ang Permits and License Division sa siudad nga siguruhon nga klaro kag insakto ang listahan sang mga benepesyaryo.2.5 billion pesos ang pondo nga ginpain sang De...

Nagdangat na sa masobra 146,000 ang mga application nga na process sang Commission on Elections sa naga padayon nga Voter Registration.Sa datus nga gin-release sang COMELEC sang March 8, naglab-ot na sa 146,742 ka mga application ang ila nga na-process.99,360 diri ang gikan sa Negros Occidental ang pinaka daku sa NIR.44, 899 naman ang sa Negros Oriental kag 2,483 naman ang sa Siquijor.Sa pihak nga bahin may 886 naman ang tigayon nga naka pa rehistro paagi sa Register Anywhere Program.Sa Bacolod City may 154, sa Dumaguete City naman 732.Ang bilog naman nga datus naga pakita nga mas madamo ang mga babaye nga registrants - 77,548 sang sa mga lalaki - 69,164.Nagsugod October 20 ang Registration para sa Barangay and SK Elections kag ini ang maga lawig tubtob sa May 18, 2026.Sa N...

Makita sa video ang pagtambag sang pila ka mga tawo sa motorcycle rider matapos niya gintapungol ang senior citizen nga driver sa nagluntad nga road rage sa national highway sang Purok Bernabe, Barangay Salvacion sa banwa sang Murcia, Negros Occidental, Domingo sang hapon.Yara sa driver’s seat kag duguon ang nawong sang biktima nga si alyas “Luing”, 67-anyos, residente sang Barangay Zone V sa Murcia. Siya ang anay kapitan sang Brgy. V kag anay ABC president.Imbolbado sa insidente ang Toyota Wigo ni alyas “Luing” kag isa ka Honda Beat nga motor, ginamaneho ni alyas “Papat”, 30-anyos, residente sang Barangay Patag sa Silay City.Nag-gwa sa imbestigasyon nga pareho nagapadulong sa proper sang Murcia ang duha sang nag-overtake ang motorsiklo kag ginbalabagan ang awto. Didto na nanau...

Siyete milyones pesos nga balor sang agricultural equipment lakip na ang mga traktora, crane kag backhoe ang ginsunog sa isa ka farm sa Hacienda San Jose Baling, Barangay Libacao sa Himamaylan City Domingo sang gab-i.Suno sa caretaker, samtang naga-inspeksyon siya, iya nakita nga nagsugod ang kalayo sa tractor nga naka-park malapit sa fuel storage area kag naglapta sa kaiping nga mga heavy equipment.Suno kay Ka Dionesio Magbuela, spokesperson sang Romeo Nanta Command - New People's Army, South Central Negros Guerrilla Front, ang pagsunog sa mga heavy equipment amo ang silot sa tag-iya sang Agri Farm bangud sang pagpamentaha sa mga obreros.Ginsiling sang NPA nga tuman kanubo sang pa-sweldo sang tag-iya sang farm sa mga mangunguma, nga mas manubo pa sa standard rate sang Regional Wage ...

Positibo nga ginkilala sang iya iloy ang lalaki nga nasapwan patay sa Bangga Adam, Barangay Pahanocoy sa Bacolod City kahapon Huwebes, Marso 5.Ginkilala ang biktima kay alyas “Welthon”, 32-anyos kag residente sang Barangay Tangub sa Bacolod.Nakit-an sang mga naglabay nga driver sa Bangga Adam ang biktima nga nagahapa, may mga pilas sa pa-a, liog kag ulo.Ginsiling ni Police Captain Sherwin Galupar, hepe sang Station 8 nga ila pa ginahulat ang resulta sang examination sang SOCO kag autopsy report agud mapat-ud kung ano ang mga samad nga naangkon sang biktima kag ang kabangdanan sang iya kamatayon.*

Nakit-an sang mga manugtapas tubo ang mga tul-an sang tawo sa tunga sang kampo sa Hacienda Balatong, Barangay Bulad sa banwa sang Isabela, Negros Occidental, kaina sang aga.Positibo nga ginkilala ang biktima nga si alyas “Jessica”, 48-anyos, taga Crossing Magallon sa banwa sang Moises Padilla.Ginsiling ni Police Major Joseph Partidas, hepe sang Isabela PNP, nakilal-an sang iya manghod nga si alyas “Armando” ang biktima paagi sa ID cord nga may mga yabe, dental features, bayo kag kulintas.Si alyas “Jessica” ang naanod sang flash flood santong naglaslas si Bagyong Tino sang Nobyembre 4, 2025.*

Patay ang 27-anyos nga lalaki matapos gintiro sa ulo sang tatlo ka beses sa nabukid nga bahin sang Sitio Cagayon, Barangay Paitan sa Escalante City, Negros Occidental sang Huwebes.Nag-gwa sa imbestigasyon nga ang biktima nga si alyas “Buboy” ang naga-prekorar sang iya mga manok sa gwa sang iya balay sang nagpalapit ang lima ka mga kalalahinhan kag siya ang gintiro, antis nalagyo padulong sa Barangay Malasibog sa Escalante.Narekober sa crime scene ang duha ka mga empty shells sang .45 caliber nga pusil.Sa isa ka statement, gin-ako sang Roselyn Jean Pelle Command-New People's Army Northern Negros Guerrilla Front ang pagpatay kay alyas “Buboy”, nga suno sa ila amo ang suspek sa pagbuno-patay kay Martino Fuentes Jr. sadtong 2024.Suno sa NPA, ginpagwa sa prisohan si “Buboy” matapos iya ...

Wala sang may natabo nga abduction. Ini ang gin klaro sang San Carlos PNP sa tunga sang naglapta sa social media nga may yara kuno sang gin-abduct nga 28 anyos nga babaye sa Barangy Prosperidad.Sa press conference nga gin pamununuan ni Lt Col Nazer Canja, iya ginsiling nga ang San Carlos City Police Station paagi sa Tactical Operations Center, ang nag responde sa 911 call sadtong aga sang March 4.Gani sila ang gilayon nag coordinate sa barangay officials para mapat-od ang impormasyon. Wala labot nga ginbisitahan ang area gin-review man ang mga CCTV footage gikan sa mga estabilsimiento.Diri nakit-an nga ang gina siling biktima ang naga sakay sa motorsiklo kag hilway man nga naga libot sa lugar. Taliw-as ini sa nag gwa nga impormasyon nga ang biktima ang pwersa nga ginkuha sang mga sus...

Wala madayon ang pag-demolish sang mga baligyaan nga nahamtang sa palibot sang Bacolod City Government Office subong nga adlaw.Ini bangud naghatag ang City Legal Office sang 10-day extension sa mga vendors samtang ginaplastar pa sang siudad ang posible nga lugar nga ila pagasaylohan.Ginsiling ni Retired Colonel Levy Pangue, pamuno sang City Legal Office Enforcement team nga gindesisyonan kahapon sang siudad kaupod sang mga vendors nga papanaugan anay sa liwat sang final notice ang mga baligyaan.Nagapadayon naman ang negosasyon sang siudad sa pamilya Gonzaga, nga amo ang nag donate sang duta nga ginatindugan sang BCGC, sa posible private lot nga saylohan sang mga stationary nga mga baligyaan lakip na ang mga relipan.Dugang ni Pangue, nga kun tigayon na nga masaylo ang mga vendors, o...