Bilang pagpanghanda sang siudad sa posible nga pagsulod sang African Swine Fever sa Bacolod City, liwat nga gin-activate sang siudad ang ASF Task Force.
Sandig sa Executive Order 043, pangunahan ni Bacolod City Mayor Greg Gasataya kag ni City Veterinarian Dr. Ma. Agueda Trinidad dela Torre ang task force.
Ginsiling ni City Administrator Atty. Mark Steven Mayo, nga magasugod na ang siudad sa information, education, and communication drive sa mga pumuluyo nga nagasagod sang baboy sa ila nga ugsaran.
Dugang pa niya, nagahanda naman ang siudad sa pagpabaskog sang border control para sa mga baboy, ilabi na nga may mga confirmed cases na sang ASF sa probinsya.
Sa karun, wala pa sang kaso sang ASF nga na record sa Bacolod City, apang magapatuman na sang random testing ang siudad.
“We are mindful nga te daw may certain season of the year nga gakatabo gid ni nga pagluntad abi sang problema sang ASF. So amo to, we will start with the IEC (Information, Education, Communication) campaign sa aton mga backyard bala nga hog raisers. I-integrate naton ina sa ginpatigayon nga house-to-house vaccination sang aton assistant City Vet”, suno kay Mayo.
[sibwp_form id=1]